ସ୍ତ୍ରୀକୁ ଆକ୍ରମଣ ସହ ହତ୍ୟା ଉଦ୍ୟମ ; ସ୍ୱାମୀ ଗିରଫ
Jitendra Sahu
ଭୁବନେଶ୍ୱର, ୩୦ା୪ : ପୁରୁଷ ବନ୍ଧୁଙ୍କ ସହ ବୁଲେଟ୍ରେ ଘରକୁ ଫେରୁଥିବା ଦେଖିଦେଲା ସ୍ୱାମୀ । ପରେ ନିଜର ବାଇକୁ ଦୃତଗତିରେ ନେଇ ପଛରୁ ଧକ୍କ୍ା ଦେଲା ସ୍ୱାମୀ । ଉଭୟେ ତଳେ ପଡ଼ିଯିବା ପରେ ବିଚ ରାସ୍ତାରେ ବହେ ଛେଚିଲା ବା ସହ ତଣ୍ଟି ଚିପି ହତ୍ୟା ଉଦ୍ୟମ କରିବା ସ୍ୱାମୀକୁ ପଡ଼ିଲା ମହଙ୍ଗା । ଥାନାରେ ଅଭିଯୋଗ ପରେ ଇନଫୋସିଟି ଥାନା ପୁଲିସ ୧୯୭ରେ ମାମଲା ରୁଜୁକରି ତଦନ୍ତ କରି ମଙ୍ଗଳବାର ଅଭିଯୁକ୍ତ ସ୍ୱାମୀକୁ ଗିରଫ କରିଛି । ଗିରଫ ଅଭିଯୁକ୍ତ ହେଲେ, ନୟାପଲ୍ଲୀ ଆଇଆରସି ଭିଲେଜ୍ ଏନ-୫/୫୧୭ ପ୍ଲଟରେ ରହୁଥିବା ସିଦ୍ଧାର୍ଥ ତ୍ରୀପାଠି । ପରେ ଦଫା ୪୯୮-ଏ, ୨୯୪, ୩୨୩, ୩୦୭, ୫୦୬ ଆଇପିସି ଧାରାରେ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟଯେ, ଅଭିଯୋଗକାରିଣୀ ଜଣଙ୍କ ବିଡ଼ିଏ କଲୋନୀ ଅଞ୍ଚଳରେ ରୁହନ୍ତି । ସେ ଅଭିଯୁକ୍ତଙ୍କୁ ଗତ ୨୦୧୬ ମସିହାରୁ ଭଲପାଇ ଆସୁଥିବା ବେଳେ, ୨୦୨୩ ମସିହାରେ ତାଙ୍କୁ ସର୍ବ ସମ୍ନତି କ୍ରମେ ବିବାହ କରିଥିଲେ । ବିବାହ ପରେ ଅଭିଯୁକ୍ତଙ୍କ ପରିବାର ସଦସ୍ୟ ଅଧିକ ଯୌତୁକ ଦାବୀ କରି ଅଭିଯୋଗକାରିଣୀଙ୍କୁ ନିୟମିତ ଭାବେ ମାନସିକ ଓ ଶାରୀରିକ ନିର୍ଯ୍ୟାତନା ଦେଇ ଆସୁଥିଲେ । ନିର୍ଯ୍ୟାତନା ଅସହ୍ୟ ହେବାରୁ ସେ ନିଜ ବାପା ଘରେ ଯାଇ ରହୁଥିଲେ । ଗତ ୨୫ ତାରିଖ ସନ୍ଧ୍ୟାରେ ଅଭିଯୋଗକାରିଣୀ ତାଙ୍କର ଜଣେ ବନ୍ଧୁଙ୍କ ସହିତ ବୁଲେଟ ବାଇକରେ ଯୋଗେ ଘରକୁ ଫେରୁଥିବା ବେଳେ ଇନଫୋସିଟି ଛକ ନିକଟସ୍ଥ ଆଇସିଆଇସିଆଇ ବ୍ୟାଙ୍କ୍ ନିକଟରେ ଅଭିଯୁକ୍ତ ଜଣଙ୍କ ପଛ ପଖରୁ ଏକ ସ୍କୁଟିରେ ଆସି ସେମାନଙ୍କ ଗାଡିକୁ ଖୁବ୍ ଜୋରରେ ଧକ୍କା ଦେଇଥିଲେ । ଫଳରେ ଉଭୟେ ତଳେ ପଡ଼ିଯିବା ପରେ ଅଭିଯୁକ୍ତ ଜଣଙ୍କ ଅଭିଯୋଗକାରିଣୀଙ୍କୁ ସେଠାରେ ମାଡ଼ ମାରିବା ସହିତ ତାଙ୍କ ବେକ ଚିକି ତାଙ୍କୁ ଜୀବନରୁ ମାରିଦେବା ଲାଗି ପ୍ରୟାସ କରିଥିଲେ ଏବଂ ଧମକ ଦେଇଥିଲେ । ଏନେଇ ଅଭିଯୋଗକାରିଣୀ ଇନଫୋସିଟି ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଅଭିଯୁକ୍ତକୁ ଗିରଫ କରିଛି ।
