ଏବିଭିପିର ରାଜ୍ୟ ଅଧିବେଶନ ୨୬ରୁ
Rasmita Behera
ପୁରୀ : ଅଣ ରାଜନୈତିକ ଛାତ୍ର ସଂଗଠନ ଏବିଭିପିର ରାଜ୍ୟ ଅଧିବେଶନ କଟକ ସହରରେ ଅନୁଷ୍ଠିତ ହେବ । ଐହି ୪୯ତମ ରାଜ୍ୟ ଅଧିବେଶନ ଆସନ୍ତା ୨୬ ତାରିଖରୁ ୨୮ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ବୋଲି ଏବିଭିପିର ଜିଲ୍ଳା ସହ ସଂଯୋଜକ ବିଭୁପ୍ରସାଦ ଦାସ ସୂଚନା ଦେଇଛନ୍ତି । ଗଣମାଧ୍ୟମକୁ ସୂଚନା ଦେଇ ଶ୍ରୀ ଦାସ କହିଥିଲେ ଯେ ଅଧିବେଶନ ଅବସରରେ ସାମ୍ବିଧାନିକ ପଦ୍ଧତିରେ ନିର୍ବାଚନ କରାଯିବ । ନୂତନ ଭାବେ ରାଜ୍ୟ ସଭାପତି ଓ ସଂପାଦକ ସର୍ବସମ୍ମତି କ୍ରମେ ନିର୍ବାଚିତ ହେବେ । ବିଦ୍ୟାର୍ଥୀ ପରିଷଦର ସାଂଗଠନିକ କାର୍ଯ୍ୟକୁ ଆଗେଇ ନେବାକୁ ୨୦୨୩-୨୪ ଶିକ୍ଷା ବର୍ଷର କାର୍ଯ୍ୟକାରିଣୀକୁ ଭଙ୍ଗ କରାଯାଇ ନୂତନ ଶିକ୍ଷାବର୍ଷା ନିମନ୍ତେ ନୂତନ କାର୍ଯ୍ୟକାରିଣୀ କମିଟି ଘୋଷଣା କରାଯିବ । ଚଳିତ ଶିକ୍ଷାବର୍ଷର ବାର୍ଷିକ ବିବରଣୀ ପ୍ରଦାନ କରାଯିବ । ଏହି ଅଧିବେଶନରେ ସହଭାଗିତା କରିବେ ଏବିଭିପିର ୩୭ଟି ସାଂଗଠନିକ ଜିଲ୍ଳାର ବିଭିନ୍ନ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟର ଶତାଧିକ ବିଦ୍ୟାର୍ଥୀ । ସାଂପ୍ରତିକ ପରିସ୍ଥିତିରେ ଶୈକ୍ଷିକ ଓ ସାମାଜିକ ସମସ୍ୟାମାନଙ୍କୁ ନେଇ ୨ଗୋଟି ରିଜଲୁ୍ୟସନ ପାରିତ କରାଯିବ ।
