କଣ୍ଟେନର ଧକ୍କାରେ ବାଇକ୍ ଚାଳକ ଗୁରୁତର
Rasmita Behera
3565
ଜଟଣୀ : ସୋମବାର ଅପରାହ୍ନ ପ୍ରାୟ ୪ ଘଟିକା ସମୟରେ ସ୍ଥାନୀୟ କିଷ୍ଟ କଲେଜ ନିକଟ ଲୁହାସଙ୍ଖ ନିକଟରେ ଟ୍ରାନ୍ସ କାର୍ଗେ ଟ୍ରାନ୍ସପୋର୍ଟ ଇଣ୍ଡିଆ କମ୍ପାନୀର ଏଚଆର ୩୮ ଏଇ୪୨୩୫ ନମ୍ବର ବିଶିଷ୍ଟ ଏକ ଡାକ ପାର୍ସଲ କଣ୍ଟେନର ସହ ଓଆର ୨୫ବି୪୮୪୭ ନମ୍ବର ବିଶିଷ୍ଟ ଏକ ହିରୋ ସ୍ପେଣ୍ଡର ବାଇକର ମୁହାଁମୁହିଁ ଦୁର୍ଘଟଣା ଘଟିଥିବା ଜଣାଯାଇଛି । ଦୁର୍ଘଟଣା ପରେ ଘଟଣା ସ୍ଥଳରୁ କଣ୍ଟେନରର ଡ୍ରାଇଭର ଗାଡ଼ି ଛାଡ଼ି ଘଟଣା ସ୍ଥଳରୁ ଚମ୍ପଟ ମାରିଥିବା ବେଳେ ବାଇକ ଚାଳକଙ୍କୁ ଗୁରୁତର ଅବସ୍ଥାରେ ୧୦୮ ଆମ୍ବୁଲାନ୍ସରେ ଏମ୍ସ ଡାକ୍ତରଖାନା ନିଆଯାଇଥିଲା । ଖବର ଲେଖାହେବା ପର୍ଯ୍ୟନ୍ତ ବାଇକ ଚାଳକଙ୍କର ପରିଚୟ ମିଳିପାରିନାହିଁ । ତେବେ ସନ୍ଧ୍ୟାପର୍ଯ୍ୟନ୍ତ ରାସ୍ତା ମଝିରୁ ଦୁର୍ଘଟଣା ଘଟାଇଥିବା ଟ୍ରକ ସାଇଡ କରାନଯିବାରୁ ତଳକ୍ଷେତା ଛକଠାରୁ ସହର ପର୍ଯ୍ୟନ୍ତ ରାସ୍ତା ଜାମ ହୋଇଥିବା ଦେଖିବାକୁ ମିଳିଥିଲା ।
