କଳକାରଖାନାରୁ ନିର୍ଗତ ବର୍ଜ୍ୟବସ୍ତୁ ଏବେ ବ୍ରାହ୍ମଣୀରେ : ମାଟି, ପାଣି, ପବନ ପ୍ରଦୂଷିତ

ତାଳଚେର : ବିଗତ ବର୍ଷର ପ୍ରକୃତିଦତ ସୌନ୍ଦର୍ଯ୍ୟମୟ ତାଳଚେର ଆଜି କଳକାରଖାନାରୁ ନିର୍ଗତ ବର୍ଜ୍ୟବସ୍ତୁ ତାଳଚେର ସହରର ଏକମାତ୍ର ନିର୍ଭର ଯୋଗ୍ୟ ବୋହି ଯାଇଥିବା ଚିରୋଦ୍‌ରୋତା ବ୍ରାହ୍ମଣୀନଦୀରେ ପଡିବା ଯୋଗୁଁ ଆଜି ନଦୀର ଜଳ ହୋଇଛି ଜହର! ତାଳଚେର ଅଞ୍ଚଳରେ ଖୋଲାମୁହଁ ପୋଖରୀଆ ଖଦାନ ୧୦ଗୋଟି ରହିଥିବା ବେଳେ ସେହି ଅନୁପାତରେ ଭାରୀଯାନ ସହ ଛୋଟଯାନ ବୃଦ୍ଧି ପାଉଥିବାରୁ ବାୟୁମଣ୍ଡଳ ବିଷାକ୍ତ ହେବାରେ ଲାଗିଛି । ଭାରତ ମାନଚିତ୍ରରେ ଦିଲ୍ଳୀ ପ୍ରଦ୍ୟୁଷଣ ଅଞ୍ଚଳଭାବେ ଗଣନା ହେଉଥିବା ବେଳେ ଓଡିଶା ମାଟିର ତାଳଚେର ବିବାଦ୍‌ ପଡିନି । ତାଳଚେର ଅଞ୍ଚଳରେ ଯେଉଁମାତ୍ରାରେ ଜଙ୍ଗଲଜମି ରହିଥିଲା, ଆଜି ସେହି ବଣଜଙ୍ଗଲକୁ ସଫାକରି ସେଠାରେ ରାଷ୍ଟ୍ରାୟତ ଉଦ୍‌ୟୋଗ କମ୍ପାନୀ ଗଢି ଉଠିଛି । ବଣଜଙ୍ଗଲ ଗୁଡିକ ପଦା ହେବାପରେ ଏହି ସଜୁଜବଣ ଉପରେ ନିର୍ଭର କରୁଥିବା ପଶୁପକ୍ଷୀ ଇତ୍ୟାଦି ଲୋପ ପାଉଥିବା ବେଳେ ଏଠାରେ ଖଣି ଓ କଳକାରଖାନା ଯୋଗୁଁ ଅଞ୍ଚଳରେ ଉତାପ ବୃଦ୍ଧି ପାଇ ଜନଜୀବନକୁ ଅସ୍ତବ୍ୟବସ୍ତ କରିପକାଇଛି ।

        ଏହି କମ୍ପାନୀ ଓ କଳକାରଖାନାରୁ ବିଭିନ୍ନ ମାଧ୍ୟମରେ  ଉତ୍ପନ୍ନ ହେଉଥିବା ଧୂଳିଧୂଆଁ ବାୟୁମଣ୍ଡଳରେ ବିଷାକ୍ତ ଧୂଆଁ ଓ ଧୂଳିକଣା ଘୂରୀବୁଲି ଲୋକଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପକାଉଛି, ଯଥା- ହୃଦରୋଗ, କିଡନୀ, ଯକ୍ଷ୍ମା, ଚର୍ମରୋଗ ଓ ବିଭିନ୍ନ ମାରାତ୍ମକ ରୋଗର ଶୀକାର ହୋଇ ଦୁଃଖ ଦୁର୍ଦ୍ଧଶା ଭୋଗ କରୁଥିବା ବେଳେ ଏହା ପ୍ରତି କାହାର ବି ଦୃଷ୍ଟି ପଡୁନଥିବା ଦୁର୍ଭାଗ୍ୟଜନକ ହୋଇଛି । ଏଠିକାର ଅଞ୍ଚଳବାସୀ ସରଳ ଓ ନିଷ୍କପଟ ହୋଇଥିବାରୁ ଶାଗମାଛ ଦରରେ ଖଣିଖାଦାନ ପାଇଁ ନିଜର ଭିଟ୍ଟାମାଟି ଉତ୍ସର୍ଗ କରୁଥିବା ବେଳେ ସେହି ପ୍ରକାରରେ ବିଶ୍ୱାସକରି ବିଧାନସଭା ହେଉ କି, ଲୋକସଭା ହେଉ ଲୋକପ୍ରତିନିଧି ମଧ୍ୟ ଚୟନ କରିଥାନ୍ତି । ଅଂଚଳବାସୀଙ୍କ ମୌଳିକ ଅଧିକାର ପ୍ରତି ଏଠାରେ ପ୍ରଶାସନ କିମ୍ବା ରାଜନେତାଙ୍କର କିପରି କୁମ୍ଭକର୍ଣ୍ଣ ନିଦ୍ରା ଭାଙ୍ଗୁନି ତାହା ଅଞ୍ଚଳବାସୀଙ୍କୁ ଚକିତ କରିପକାଇଛି । ଏଠାରେ ସ୍ୱାଧୀନତା ପୂର୍ବରୁ ପୂରାତନ ରେଳଷ୍ଟେସନ ରହିଥିଲେ ମଧ୍ୟ ଏହି ଷ୍ଟେସନକୁ ସମସ୍ତ ଯାତ୍ରୀବାହୀ ଟ୍ରେନ ଆସୁନଥିବାରୁ ଯାତ୍ରୀମାନେ ଅଟୋରେ ୪ଶହରୁ ୫ଶହ ଟଙ୍କା ଖର୍ଚ୍ଚ କରି ଅନୁଗୋଳ ଜିଲ୍ଳା ଭୋଗବେରଣୀ ତାଳଚେର ରୋଡ ରେଳଷ୍ଟେସନକୁ ଯିବାକୁ ପରିସ୍ଥିତି ବାଧ୍ୟ କରିଥାଏ । କେବଳ ଏହି ସମସ୍ତ ସମସ୍ୟା ଗୁଡିକ କାଗଜପତ୍ର ମାଧ୍ୟମରେ ସୀମୀତ ରହୁଛି ବୋଲି ବିଭିନ୍ନ ମହଲରେ ଦାବିହେଉଛି ।