ଖଣି ସୁରକ୍ଷା ନିଦେ୍ର୍ଦଶାଳୟ ପକ୍ଷରୁ ବିଭିନ୍ନ ସମସ୍ୟା ନେଇ ବୈଠକ
Rasmita Behera
ତାଳଚେର: ତାଳଚେର ବ୍ଲକ ରଘୁନାଥପୁର ଗାଁର ବାସିନ୍ଦାଙ୍କ ମଧ୍ୟରେ ଥିବା ଖଣି କାର୍ଯ୍ୟକଳାପ ଦ୍ୱାରା ସୃଷ୍ଟି ହେଉଥିବା ଗୃହଗୁଡିକର କ୍ଷୟକ୍ଷତି, କମ୍ପନ ଏବଂ ଭୟ, ଉଦ୍ବେଗକୁ ଦୃଷ୍ଟିରେ ରଖି ଖଣି ସୁରକ୍ଷା ନିଦେ୍ର୍ଦଶାଳୟ ଗ୍ରାମବାସୀଙ୍କ ସହ ଏକ ଉଚ୍ଚÿସ୍ତରୀୟ ବୈଠକ ଆୟୋଜନ ହୋଇଥିଲା । ଏମସିଏଲ ଭୁବନେଶ୍ୱରୀ ଖଣିର କର୍ତ୍ତୃପକ୍ଷ ଗ୍ରାମବାସୀଙ୍କ ସମସ୍ୟାର ସମାଧାନ ତଥା ସେମାନଙ୍କର ନିରାପତା ତଥା ସୁସ୍ଥତା ପାଇଁ ନିରନ୍ତର ସମାଧାନ ଖୋଜିବା ପାଇଁ ଏହି ବୈଠକ ଲକ୍ଷ୍ୟ ରହିଥିଲା । ରଘୁନାଥପୁର ବାସିନ୍ଦା ସମ୍ପୃକ୍ତ ଅଂଚଳରେ ଖଣି କାରବାରର ପ୍ରଭାବ ଯୋଗୁଁ ସେମାନଙ୍କ ଘରେ ଫାଟ, କ୍ରମାଗତ କମ୍ପନ ଏବଂ ଭୟର ବାତାବରଣ ଥିବା ବୈଠକରେ ଅବଗତ କରିଥିଲେ । ବିସ୍ଫୋରଣ କାର୍ଯ୍ୟକଳାପରୁ କମ୍ପନ ଏବଂ ଶବ୍ଦ କେବଳ ସେମାନଙ୍କର ସମ୍ପତି ନଷ୍ଟ କରିନାହିଁ ବରଂ ସେମାନଙ୍କର ଦୈନଦିନ ଜୀବନକୁ ମଧ୍ୟ ବ୍ୟାହତ କରି ସେମାନଙ୍କ ସୁରକ୍ଷାକୁ ନେଇ ଚିନ୍ତାରେ ପକାଇଛି ବୋଲି ଅନେକ ଗ୍ରାମବାସୀ ଦାବି କରିଥିଲେ । ପରିସ୍ଥିତିର ଗୁରୁତ୍ୱ ବୁଝିବାସହ ଗ୍ରାମବାସୀଙ୍କ ସୁରକ୍ଷା ସୁନିଶ୍ଚିତ କରିବାକୁ ସେମାନେ ପ୍ରତିଶ୍ରୁତିବଦ୍ଧ ଏବଂ ଗଠନମୂଳକ କ୍ଷତି ଏବଂ କମ୍ପନର ଉସô ଆକଳନ କରିବା ପାଇଁ ବିସ୍ତୃତ ଯାଂଚ କରାଯିବ ବୋଲି କୃଷ୍ଣେନ୍ଦୁ ମଣ୍ଡଳ ଗ୍ରାମବାସୀଙ୍କୁ ଆଶ୍ୱାସନା ଦେଇଥିଲେ । ବୈଠକ ସମୟରେ ଗ୍ରାମବାସୀ ତୁରନ୍ତ କାର୍ଯ୍ୟାନୁଷ୍ଠାନ ଦାବି କରିଥିଲେ । ଏଥିରେ କ୍ଷତିଗ୍ରସ୍ତ ସମ୍ପତିର କ୍ଷତିପୂରଣ, ଖଣି କାର୍ଯ୍ୟକଳାପ ଉପରେ କଠୋର ନିୟମାବଳୀ ଏବଂ କମ୍ପନ ଉପରେ ନିୟମିତ ନଜର ରଖାଯାଇଥିଲା । ଅନୁସନ୍ଧାନ ପ୍ରକ୍ରିୟାରେ ସ୍ୱଚ୍ଛତା ପାଇଁ ସେମାନେ ଆହ୍ୱାନ ଦେବା ସହ ଶିଳ୍ପ ସ୍ୱାର୍ଥ ଅପେକ୍ଷା ସେମାନଙ୍କ ସୁରକ୍ଷାକୁ ପ୍ରାଧାନ୍ୟ ଦେବାକୁ ଅଧିକାରୀମାନଙ୍କୁ ଅନୁରୋଧ କରିଥିଲେ ।
