ଜିଲ୍ଳାସ୍ତରୀୟ କୃଷି ଯନ୍ତ୍ରପାତି ମେଳା ଉଦ୍ଘାଟିତ 

ନବରଙ୍ଗପୁର: ସ୍ଥାନୀୟ ପୋଲିସ ପଡିଆ ଠାରେ   କୃଷି ଓ କୃଷକ ସଶକ୍ତି କରଣ ବିଭାଗ ,ନବରଙ୍ଗପୁର ପକ୍ଷରୁ ନବରଙ୍ଗପୁର,୧୧ରୁ ୧୫ ତାରିଖ ପର୍ଯ୍ୟନ୍ତ ଅନୁଷ୍ଠିତ  ଜିଲାସ୍ତରୀୟ କୃଷି ଯନ୍ତ୍ରପାତି ମେଳା ଉଦ୍ଘାଟିତ ହୋଇଯାଇଛି  । ମୁଖ୍ୟ ଅତିଥି ଭାବେ ଜିଲାପାଳ ଡା ଶୁଭଙ୍କର ମହାପାତ୍ର  ଯୋଗ ଦେଇ ମେଳାର ଉଦ୍ଘାଟନ କରିଥିଲେ । ଅତିଥି ଭାବେ ଜିଲା ମୁଖ୍ୟ କୃଷି ଅଧିକାରୀ ପି.ଭି. ରମଣ,ଏଡିଏଓ (ପାପଡାହାଣ୍ଡି) ବିଶ୍ୱଜିତ ସାହୁ, ଏଡିଏଓ (ନବରଙ୍ଗପୁର) ଅନୀଲ ପ୍ରହରାଜ, ସହକାରି ଯନ୍ତ୍ରୀ ଗୌରହରି ସାହୁ ମଞ୍ଚାସିନ ଥିଲେ ।ସଭାରେ ଯୋଜନା ଅଧିକାରୀ ପ୍ରଣୟ କୁମାର ମନ୍ତ୍ରୀ , ଡିଆଇପିଆର୍ ଓ ମନୋଜ କୁମାର ବେହେରା, ମୁ୍ୟନିସିପାଲଟି ନିର୍ବାହୀ ଅଧିକାରୀ ସମରେଶ ମହାନ୍ତି,ବିଭାଗୀୟ ଅଧିକାରୀ, ଗଣମାଧ୍ୟମ ପ୍ରତିନିଧି ଉପସ୍ଥିତ ଥିଲେ  । ମୁଖ୍ୟ ଅତିଥିଙ୍କ ଦ୍ୱାରା ମହିଳା ଓ ପୁରୁଷ ଚାଷୀଙ୍କୁ ଅନୁମୋଦିତ ମୁଗ ଓ ବୁଟ ବିହନ ବଣ୍ଟନ  କରାଯାଇଥିଲା । ୩ ଜଣ ଚାଷୀଙ୍କୁ ରିହାତି ଦରରେ ଟ୍ରାକ୍ଟର ପ୍ରଦାନ କରାଯାଇଥିଲା । ବିଭିନ୍ନ ଓୟୁଏଟି କଲେଜର ଗୁଣପୁର,ଭବାନୀପାଟଣା, ସୋଆ ଏବଂ ଭୁବନେଶ୍ୱର ରୁ ୩୦ ଜଣ ଛାତ୍ର ଛାତ୍ରୀ ଆସି ୩ ମାସ ନବରଙ୍ଗପୁର ଜିଲାର ବିଭିନ୍ନ ଗାଁ ବୁଲି ଚାଷୀ ମାନଙ୍କୁ ଉନ୍ନତ ଚାଷ ପ୍ରଣାଳୀ ସମ୍ପର୍କରେ ବୁଝାଇଥିଲେ ଓ ସେମାନଙ୍କୁ ମୁଖ୍ୟ ଅତିଥି ପ୍ରମାଣ ପତ୍ର ପ୍ରଦାନ କରିଥିଲେ । ମେଳାରେ ୫୪ଟି ଷ୍ଟଲ ସ୍ଥାପନ କରାଯାଇଥିଲା ସେଥିମଧ୍ୟରୁ କୃଷି, ପ୍ରାଣୀ ସମ୍ପଦ, ମସô୍ୟ  ଓ ଜଳ ବିଭାଜିକା, ମିଲଟ ମିଶନର ୧୯ଟି ଷ୍ଟଲ ରହିଥିଲା ଏବଂ  ୩୬ଟି ବ୍ୟବସାୟିକ କୃଷି ଯନ୍ତ୍ରପାତି , ଟ୍ରାକ୍ଟର ଷ୍ଟଲ ରହିଥିଲା ।  ଉକ୍ତ ମେଳାରେ ନବରଙ୍ଗପୁର ଜିଲାର ଚାଷୀ  ଭାଇ ଭଉଣୀ ଙ୍କ କୃଷି କାର୍ଯ୍ୟ ନିମନ୍ତେ ସମସ୍ତ ପ୍ରକାର କୃଷି ଯନ୍ତ୍ରପାତି ସରକାରୀ ରିହାତି ମୂଲ୍ୟରେ ଯୋଗାଇ ଦିଆଯିବ । ଏଥି ପାଇଁ ଉକ୍ତ ମେଳାରେ କୃଷି ଯନ୍ତ୍ରପାତି ଉତ୍ପାଦନ କାରୀ, ବିତରକ, ଋଣ ପ୍ରଦାନକାରି ସଂସ୍ଥା ଓ ବିଭାଗୀୟ କର୍ମଚାରୀଙ୍କ ସମନ୍ୱୟରେ ଚାଷୀ ମାନଙ୍କୁ ଯନ୍ତ୍ରପାତିର ଆବଶ୍ୟକତା ଓ ବ୍ୟବହାର, ରକ୍ଷଣା ବେକ୍ଷଣ, ସରକାରୀ ରିହାତି ସମ୍ପର୍କରେ ତାଲିମ ଦେଇ ସଚେତନ କରାଯିବ ।  ଏହି ଅବସରରେ କୃଷି ଯନ୍ତ୍ରପାତିର ବ୍ୟବହାର ଓ ରିହାତି ଉପରେ ଏକ ସଚେତନତା ଶୋଭାଯାତ୍ରା ଚାଉଁରିଆଗୁଡା ଠାରୁ ପୋଲିସ ପଡିଆ ପର୍ଯ୍ୟନ୍ତ ଅନେକ ସୁସଜ୍ଜିତ ଟ୍ରାକ୍ଟର ଓ  ଚାଷୀ ଭାଇ ଭଉଣୀଙ୍କ ଗ୍ରହଣରେ ଅନୁଷ୍ଠିତ ହୋଇଥିଲା ।