ଜ୍ୟୋତି ରଥକୁ ଭବ୍ୟ ସ୍ୱାଗତ
Rasmita Behera
ନୂଆପଡା: ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକର ବରଗାଁ ଗ୍ରାମ ପଞ୍ଚାୟତର ବରଗାଁ, ବେନ୍ଦ୍ରାବାହାଲ, ଲକ୍ଷ୍ମୀପୁର, ପୋଡାପଲି, ଡୁମେରବାହାଲ, କାସିପଲା, ଠେଳକୋଡୁଙ୍ଗୁରି ସମେତ ଖୁଦପେଜ ଗ୍ରାମ ପଞ୍ଚାୟତର ଚଳାନପଡା, ଗୋଇମୁଣ୍ଡି ସମେତ ଅନ୍ୟାନ୍ୟ ଗ୍ରାମରେ ଶାନ୍ତି କୁଞ୍ଜ ହରିଦ୍ୱାରରୁ ଆସିଥିବା ଦିବ୍ୟ ଜ୍ୟୋତିରଥକୁ ଭବ୍ୟ ସ୍ୱାଗତ କରିଛନ୍ତି । ଶାନ୍ତି କୁଞ୍ଜ ହରିଦ୍ୱାର ଠାରେ ଦିବ୍ୟ ଜ୍ୟୋତିଙ୍କୁ ୨୦୨୬ରେ ଶତାୟୁ ବର୍ଷ ପଦାର୍ପଣ କରିବ । ଏହି ଅବସରରେ ସମଗ୍ର ଭାରତ ବର୍ଷରେ ଦିବ୍ୟ ଜ୍ୟୋତି ରଥ ପରିକ୍ରମା କରୁଛି । ଏହି ଜ୍ୟୋତି ନୂଆପଡ଼ା ଜିଲ୍ଲାର ଅନେକ ଅଞ୍ଚଳ ପରିକ୍ରମା ପରେ ଖଡିଆଳରେ ପହଞ୍ଚôଛି । ଖଡ଼ିଆଳ ଗ୍ରାମାଞ୍ଚଳ ପରିଭ୍ରମଣ ପରେ ଖଡିଆଳ ସହର ପରିକ୍ରମା ପରେ ଜଗନ୍ନାଥ ମନ୍ଦିର ରେ ରାତ୍ରି ରହଣି ବ୍ୟବସ୍ଥା ହୋଇଛି । ଅନେକ ଦିନ ଅଞ୍ଚଳ ବିଭିନ୍ନ ଗ୍ରାମ ପରିକ୍ରମା କରି ମା’ ଗାୟତ୍ରୀଙ୍କ ବାର୍ତ୍ତା ପ୍ରଦାନ କରିବା ସହ ଏକ ଆଧ୍ୟାତ୍ମିକ ଚିନ୍ତା ଓ ଚେତନାର ବାର୍ତ୍ତାବହ ରୂପେ ଗସ୍ତ କରୁଛି । ପରେ ସିନାପାଲି ଅଞ୍ଚଳ ଗସ୍ତ କରିବ । ଆଜିର ଏହି ରଥ ପରିକ୍ରମା ସମୟରେ ଚଳାନପଡା ଗାୟତ୍ରୀ ପୀଠ ପରିବ୍ରାଜକ ଦୟାନିଧି ବାରିକ, କେତନ ସିଂ ବାରିକ, ଲବଣେସ୍ୱର ବାରିକ, ତ୍ରିଲୋଚନ ବିଶି, ପୂର୍ଣଚନ୍ଦ୍ର ସୁନାନୀ, ଦମ୍ବୁଲାଲ ରଣା, କୁସୁମ ମଞ୍ଜରୀ ପଣ୍ଡା ସମେତ ଅନ୍ୟାନ୍ୟ ଗାୟତ୍ରୀ ପରିବ୍ରାଜକ ମାନେ ସାମିଲ ଅଛନ୍ତି ।
