ଡାଳ ପଡ଼ି ବୃଦ୍ଧ ଗୁରୁତର
Rasmita Behera
ନବରଙ୍ଗପୁର: ସୋମବାର ସନ୍ଧ୍ୟା ବେଳେ ତହସିଲ କାର୍ଯ୍ୟାଳୟ ନିକଟରେ ଚା’ ଦୋକାନରେ ବସି ଚା’ ପିଉ ଥିବା ବେଳେ ହଟାତ ଗଛ ଡାଳ ଭାଙ୍ଗି ପଡ଼ିବାରୁ ଜଣେ ବୃଦ୍ଧ ଗୁରୁତର ଆହତ ହୋଇଛନ୍ତି । ଗୁରୁତର ବୃଦ୍ଧ ମିଶନ କମ୍ପାଉଣ୍ଡ (ସେନାପତି) ସାହିର ଆନନ୍ଦ କୁମାର କର ବୋଲି ଜଣାପଡିଛି । ତହସିଲ କାର୍ଯ୍ୟାଳୟ ପରିସର ତଥା ୨୬ ନମ୍ୱର୍ ଜାତୀୟ ରାଜପଥ କଡ ଚା’ ଦୋକାନରେ ବସି ଆନନ୍ଦ କର, ତୋଫାନ ଷଡ଼ଙ୍ଗୀ, ଦିଲ୍ଲୀପ କୁମାର ଚୌଧୁରୀଙ୍କ ସମେତ ୫ ଜଣରୁ ଊଦ୍ଧ୍ୱର୍ ଉକ୍ତ ସ୍ଥାନରେ ଛିଡା ହୋଇ ଚା’ ପିଉଥିଲେ । ଏହି ସମୟରେ ନୀଳଗିରି ଗଛ ଡାଳ ଭାଙ୍ଗି ଚା’ ଦୋକାନ ନିକଟରେ ପଡ଼ି ଯାଇଥିଲା ।ଏଥି ସହ ବିଦୁ୍ୟତ୍ ତାର ମଧ୍ୟ ଛିଡି ଯାଇଥିଲା । ତେବେ ଡାଳ ଭାଙ୍ଗି ପଡ଼ିବାରୁ ଆନନ୍ଦ କୁମାର ଗୁରୁତର ଆହତ ହୋଇଛନ୍ତି । ତାଙ୍କୁ ତୁରନ୍ତ ଏକ ଅଟୋ ରେ ନବରଙ୍ଗପୁର ଡାକ୍ତରଖାନାକୁ ନିଆଯାଇଥିଲା । ଶ୍ରୀକରଙ୍କ ଗୋଡ, ମୁଣ୍ଡ ଓ ଆଖିରେ ଗୁରୁତର ଆଘାତ ଲାଗିଥିଲା । ଡାକ୍ତରଖାନାରେ ପ୍ରାଥମିକ ଚିକିସôା ପରେ କୋରାପୁଟକୁ ସ୍ଥାନାନ୍ତରିତ କରାଯାଇଛି । ତେବେ ଅନ୍ୟ ମାନେ ଅଳ୍ପକେ ବର୍ତ୍ତି ଯାଇଛନ୍ତି । ଦିଲ୍ଲୀପ କହିବା ଅନୁଯାୟୀ ତାର ଛିଡି ଯିବାରୁ ଲାଇଟିଂ ହୋଇଥିଲା । ଆନନ୍ଦ ଗଛ ଡାଳ ତଳେ ଚାପି ହୋଇଯାଇଥିବାରୁ ପାଟି କରିଥିଲେ । ସ୍ଥାନୀୟ ଲୋକଙ୍କ ସହଯୋଗରେ ଉଦ୍ଧାର କରି ତୁରନ୍ତ ଅଟୋରେ ଜିଲ୍ଲା ଡାକ୍ତରଖାନାକୁ ପଠାଇଥିଲେ ।
