ଦୁଇ କଲେଜ ଛାତ୍ରୀ ନିଖୋଜ, ପୁଲିସର ତନାଘନା ଜାରି
Rasmita Behera
ାା ପ୍ରଭାନୁ୍ୟଜ ।ା ବୈଶିଙ୍ଗା : ବୈଶିଙ୍ଗା ଥାନା ଅଞ୍ଚଳରୁ ଦୁଇ ଜଣ କଲେଜ ଛାତ୍ରୀ ନିଖୋଜ ହୋଇଥିବାବେଳେ ବୈଶିଙ୍ଗା ଥାନାରେ ମାମଲା ରୁଜୁ ହୋଇଛି । ପ୍ରକାଶ ଯେ, ଅଁଳା କଲେଜରେ +୨ ପଢୁଥିବା ଜୈନିକ ଛାତ୍ରୀ କଲେଜରୁ ନ ଫେରିବା ଯୋଗୁଁ ପରିବାର ଲୋକେ କଲେଜ ଅଧ୍ୟକ୍ଷଙ୍କ ନିକଟରେ ଫେରାଦ ହୋଇଥିଲେ । ତେବେ ଛାତ୍ରୀ ଜଣଙ୍କ ରାସଗୋବିନ୍ଦପୁର ବ୍ଲକ ଅଞ୍ଚଳର ଜଣେ ଯୁବକଙ୍କ ବାଇକ୍ରେ ବସି କଲେଜରୁ ଯାଇଥିବା ସୂଚନା ମିଳିବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଆଜି ପୋଲିସ ନିକଟରେ ଅଭିଯୋଗ କରିଛନ୍ତି ପରିବାର ଲୋକେ । ଏହାକୁ ନେଇ ଥାନାରେ ୨୮୭ ନଂ କେସ ରୁଜୁ କରାଯାଇ ଅଭିଯୁକ୍ତଙ୍କୁ ଠାବ କରିବା ପାଇଁ ଉଦ୍ୟମ ଚାଲିଛି । ଅନ୍ୟପକ୍ଷରେ ନଛିପୁରିଆ ଅଞ୍ଚଳରେ ଜନୈକା + ୨ ପଢୁଆ ନାବାଳିକାଙ୍କ ପତ୍ତା ଗତକାଲି ଠାରୁ ମିଳୁନଥିବା ନାବାଳିକାଙ୍କ ବିଧବା ମା’ ପୋଲିସ ନିକଟରେ ଅଭିଯୋଗ କରିବା ପରେ ୨୮୮ ନଂ ର ଏକ ମାମଲା ରୁଜୁ କରାଯାଇ ତଦନ୍ତ ଚାଲିଛି । ମା’ଙ୍କ କହିବା ଅନୁଯାୟୀ କାଲି ରାତିରେ ଉଭୟ ମା’ ଓ ଝିଅ ଖାଇସାରିବା ପରେ ଶୋଇଯାଇଥିଲେ । ହେଲେ ରାତି ଅଧରେ ଦେଖିବା ବେଳକୁ ଝିଅ ନଥିଲା । ସବୁଆଡେ ଖୋଜାଖୋଜି କରିବା ପରେ ମଧ୍ୟ ଝିଅର ସନ୍ଧାନ ନ ମିଳିବାରୁ ପୋଲିସ ନିକଟରେ ଫେରାଦ ହୋଇଛନ୍ତି । ତେବେ ଥାନାଧିକାରୀ ତପନ କୁମାର ପ୍ରଧାନ କହିଛନ୍ତି ଉଭୟ ଘଟଣାର ତଦନ୍ତ ଜାରି ରହିଛି ।
