ଧିରୀକୁଟି ବସ୍ତିରୁ ୫ଲକ୍ଷ ଟଙ୍କାର ବ୍ରାଉନସୁଗାର ଜବତ
Jitendra Sahu
5807
ଭୁବନେଶ୍ୱର, ୩୦ା୪ : ଆଜି ପାଟ୍ରୋଲିଂ ବେଳେ ମଞ୍ଚେଶ୍ୱର ଧିରୀକୁଟି ବସ୍ତିରୁ ଜଣେ ବେପାରୀକୁ ଗିରଫ କରିବା ସହ ୫ ଲକ୍ଷ ଟଙ୍କାର ୭୯ ଗ୍ରାମ ବ୍ରାଉନସୁଗାର ଜବତ କରିଛି ଅବକାରୀ ଟିମ । ଗିରଫ ଅଭିଯୁକ୍ତ ହେଲା, ରୋସନ ସାମନ୍ତରାୟ ।
ସୂଚନାଯୋଗ୍ୟଯେ, ମଙ୍ଗଳବାର ସକାଳୁ ଭୁବନେଶ୍ୱର ଅବକାରୀ ଟିମ ମଞ୍ଚେଶ୍ୱର ଥାନା ଅଧିନରେ ପାଟ୍ରୋଲିଂ ଚଳାଇଥିଲେ । ଏହି ସମୟରେ ଜଣେ ବେପାରୀ ଏକ ବାଇକରେ ମଞ୍ଚେଶ୍ୱର ଧିରୀକୁଟି ବସ୍ତିରେ କିଛି ବେପାରୀଙ୍କୁ ଧଳାଜହର ବିକ୍ରି କରୁଥିବା ଖବର ଟିମ ଜାଣିବାକୁ ପାଇଥିଲା । ଖବର ପାଇ ସଙ୍ଗେ ସଙ୍ଗେ ବସ୍ତିରେ ଚଢ଼ାଉ କରି ବେପାରୀକୁ ଗିରଫ କରିବା ସହ ତଳାସି ବେଳେ ତା ପକେଟରୁ ୫ ଲକ୍ଷ ଟଙ୍କାର ବ୍ରାଉନସୁଗାର ଓ ବାଇକ ଜବତ କରାଯାଇଛି । ପରେ ତାକୁ ଥାନାକୁ ଆଣି ଏନଡ଼ିପିଏସ୍ ଆକ୍ଟରେ କୋର୍ଟ ଚାଲାଣ କରାଯାଇଛି ।
