ନିଆଁ ଲିଭାଇବା ବେଳେ ଜଳିଗଲେ ବନ କର୍ମଚାରୀ ; ଅଳ୍ପକେ ବର୍ତ୍ତିଲେ ୪ କର୍ମଚାରୀ
Henamanjaree Swain
5824
ରାଉରକେଲା: କୁଆଁରମୁଣ୍ଡା ରେଞ୍ଜ ଅନ୍ତର୍ଗତ ବ୍ରାହ୍ମଣୀ ପାହାଡ଼ ସଂରକ୍ଷିତ ଜଙ୍ଗଲରେ ନିଆଁ ଲିଭାଉଥିବା ବନ କର୍ମଚାରୀ ସମର ଓରାମ (୪୦) ଜଳି ଯାଇଛନ୍ତି l ନିଆଁ ଦାଉରୁ ରକ୍ଷା ପାଇଛନ୍ତି ଅନ୍ୟ ଚାରି କର୍ମଚାରୀ l ସମରଙ୍କ ଦେହର ୭୦ ପ୍ରତିଶତ ଜଳି ଯାଇଛି l ତାଙ୍କୁ ଗୁରୁତର ଅବସ୍ଥାରେ ରାଉରକେଲା ସରକାରୀ ଡାକ୍ତରଖାନା ବର୍ଣ୍ଣ ସେଣ୍ଟରରେ ଭର୍ତ୍ତି କରାଯାଇଛି l
ସୂଚନା ମୁତାବକ, ବ୍ରାହ୍ମଣୀ ପାହାଡ଼ ସରଂକ୍ଷିତ ଜଙ୍ଗଲରେ ନିଆଁ ଲାଗିଥିବା ଖବର ପାଇ ସମର ଓ ତାର ସହଯୋଗୀ ବିଶ୍ରା ଓରାମ, ବିପିନ ମିଂଜ଼, ଚାମା ଓରମା ନିଆଁ ଲାଗିଥିବା ସ୍ଥାନରେ ପହଞ୍ଚିଥିଲେ l ସମର ମେସିନ ସହାୟତାରେ ନିଆଁ ଲିଭାଉଥିବା ବେଳେ ହଠାତ ପବନ ବହିବାରୁ ନିଆଁ ତାଙ୍କ ଆଡକୁ ବ୍ୟାପି ଯାଇଥିଲା l ମେସିନ ସହ ସେ ଜଳି ଯାଇଥିଲେ l ତାଙ୍କର ଅନ୍ୟ ସହଯୋଗୀ କୌଣସି ଉପାୟରେ ତାଙ୍କୁ ଉଦ୍ଧାର କରି ଡାକ୍ତରଖାନାକୁ ଆଣିଥିଲେ l
