ନିର୍ମାଣାଧିନ ମୁଖ୍ୟମନ୍ତ୍ରୀ ସଡ଼କ ରାସ୍ତାରୁ ମାଟି ଚୋରି

 ଧାମନଗର:  ଧାମନଗର ଅଞ୍ଚଳରେ ବିଭିନ୍ନ ନଦୀ ଓ ସରକାରୀ ଜାଗାରୁ ବାଲି ମାଫିଆମାନେ ଅହରହ ବାଲି ମାଟି ଚୋରା ଚାଲାଣ କରି ବେଶ ଲାଲେ ଲାଲ ହେଉଥିବା ବେଳେ ଏବେ ମାଫିଆଙ୍କ ର ସରକାରି ରାସ୍ତା ଉପରେ ନଜର ପଡିଚି  । ଦିନ ଦି ପହରରେ ନିର୍ମାଣଧିନ ରାସ୍ତାରୁ ମାଟି ଚୋରୀ କରାଯାଉଥିବା ଅଭିଯୋଗ ହୋଇଛି । ସୂଚନା ଥାଉକି କରଦା ପଞ୍ଚାୟତର ଓଉପୁର କରଦା ବିଦ୍ୟାଳୟ ଠାରୁ ଖଙ୍ଗରା ହାଟ ଭାୟା ବତାସିଆ ରାସ୍ତା ୫ କିଲୋମିଟର ଗ୍ରାମ ଉନ୍ନୟନ ବିଭାଗ ଦ୍ୱାରା ମୁଖ୍ୟମନ୍ତ୍ରୀ ସଡ଼କ ଯୋଜନାରେ ୪ କୋଟି ଟଙ୍କା ଖର୍ଚ୍ଚ କରାଯାଇ କାର୍ଯ୍ୟ ଚାଲିଚି  ।୨୪/୧/୨୦୨୪ ତାରିଖରେ ଭଦ୍ରକ ଜିଲ୍ଳା ଯୋଜନା ବୋର୍ଡ ଅଧକ୍ଷ ତଥା ଚାନ୍ଦବାଲି ବିଧାୟକ ବ୍ୟମକେସ ରାୟ, ସାଂସଦ ମଞ୍ଜୁଲତା ମଣ୍ଡଳ, ଧାମନଗର ବିଧାୟକ ସୂର୍ଯ୍ୟବଂଶୀ ସୁରଜ, ଜିଲାପାଳ ସିଦେ୍ଧଶ୍ୱର ବଳୀରାମ ବୋନ୍ଦର, ପଞ୍ଚାୟତ ସମିତି ଅଧ୍ୟକ୍ଷା ଶର୍ମିଷ୍ଠାଙ୍କ ଦ୍ୱାରା ଶିଳାନ୍ୟାସ ପରେ ରାସ୍ତା କାର୍ଯ୍ୟ ଆରମ୍ଭ ହୋଇଛି । ପ୍ରାୟ ୪ କିଲୋମିଟର ୮ ସହ ମିଟର ରାସ୍ତା କାର୍ଯ୍ୟ ସରିଥିବାବେଳେ ଆଉ ୨ ଶହ ମିଟର ରାସ୍ତା କାର୍ଯ୍ୟ ଚାଲିଛି । ହେଲେ ଉକ୍ତ ରାସ୍ତାର ଖଙ୍ଗରା ହାଟ ପାଖା ପାଖି ରାସ୍ତାରୁ ସ୍ଥାନୀୟ ଲୋକ ଟ୍ରାକ୍ଟର ଦ୍ୱାରା ପ୍ରାୟ ୨୦ ଟ୍ରିପ ମାଟି ଚୋରୀ କରିନେଇ ଛନ୍ତି । ସ୍ଥାନୀୟ ଲୋକ ମାନେ ଧାମନଗର ପୋଲିସକୁ ଖବର ଦେବାପରେ ପୋଲିସ ଘଟଣା ସ୍ଥଳରେ ପହଞ୍ଚିବା ପୂର୍ବରୁ ମାଟି ଚୋରୀ କରୁଥିବା ବ୍ୟକ୍ତି ଟ୍ରାକ୍ଟରନେଇ ଫେରାର ହୋଇ ଯାଇଥିଲେ  । 
ସୁଚନା ଥାଉକି ସ୍ଥାନୀୟ ଅଞ୍ଚଳର କିଛି ଲୋକ ନିଜଜାଗାକହି ଉକ୍ତ ରାସ୍ତାକୁ ଅବରୋଧ କରିଥିବା ଠିକାଦାର କହୁଛନ୍ତି । ତେବେ ସରକାରି ରାସ୍ତା ସମସ୍ତଙ୍କ ପାଇଁ କାର୍ଯ୍ୟ ଆରମ୍ଭରୁ ବିରୋଧ କରା ଯାଇଥିଲେ ପ୍ରସାଶନ କିଛି ପଦକ୍ଷେପ ନେଇଥାନ୍ତେ । ମାତ୍ର ରାସ୍ତାକାର୍ଯ୍ୟ ସରିବା ଉପରେ  ନିଜର ଜାଗା କହି ରାସ୍ତା ଅବରୋଧ କରିବାସହ ରାସ୍ତାରୁ ମାଟି ଉଠାଇ  ନେବା ସଧାରଣ ରେ ନାପସନ୍ଦ କରାଯାଇଛି । ବିଭାଗୀୟ କନିଷ୍ଟ ଯନ୍ତ୍ରୀ କହିଚନ୍ତି ଯେ ସେଠାରେ ଜୈନିକ ବ୍ୟକ୍ତି  ନିଜ ଜାଗା କହି ରାସ୍ତା ଅବରୋଧ କରିବା ସହ କାର୍ଯ୍ୟ କରାଇ ଦେଉ ନାହାନ୍ତି । ଏ ଦିଗରେ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରାଯାଇଛି ଆବଶ୍ୟକ ପଦକ୍ଷେପ ନିଆଯିବ ବୋଲି ସେ କହିଛନ୍ତି । ତେବେ ଆଗକୁ ବର୍ଷା ଦିନ ଥିବାରୁ ତୁରନ୍ତ ରାସ୍ତାକାର୍ଯ୍ୟ ଶେଷ କରିବା ଓ ରାସ୍ତାରୁ ମାଟିଚୋରୀ କରିଥିବାବ୍ୟକ୍ତିଙ୍କ ଉପରେ କାର୍ଯ୍ୟାନୁଷ୍ଠାନ ପାଇଁ ଦାବି ହେଉଚି ।