ନୂତନ ବିଡିଓଙ୍କୁ ଭେଟିଲେ ପ୍ରେସ୍ କ୍ଲବ ସଦସ୍ୟ
Rasmita Behera
3782
ଚନ୍ଦାହାଣ୍ଡି : ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ପ୍ରେସ୍ କ୍ଲବ ପକ୍ଷରୁ ନୂତନ ଭାବେ ଯୋଗ ଦେଇଥିବା ବିଡିଓ ସୁକାନ୍ତ କୁମାର ପଟ୍ଟନାୟକଙ୍କୁ ପୁଷ୍ପଗୁଚ୍ଛ ଏବଂ ଉତ୍ତରୀୟ ପ୍ରଦାନ କରି ସ୍ୱାଗତ କରିବା ସହ ସାକ୍ଷାତ କରିଥିଲେ । ଚନ୍ଦାହାଣ୍ଡି ବ୍ଲକର ସାମୂହିକ ପାଇଖାନା, ପାନୀୟ ଜଳ, ମିଶନ ଶକ୍ତି ମାଧ୍ୟମରେ ମହିଳାଙ୍କ ବିକାଶ ଦିଗରେ ଗୁରୁତ୍ୱ ଦେବା ସହ ମିଶନ ଶକ୍ତି ଗୃହ କାର୍ଯ୍ୟକ୍ଷମ କରିବା ସହ ମିଶନ ଶକ୍ତି ମହାସଂଘର କମିଟି ପରିବର୍ତ୍ତନ କରି ନୂତନ କମିଟି ଗଠନ କରି ଚନ୍ଦାହାଣ୍ଡି ବ୍ଲକ ମହିଳା ସଶକ୍ତିକରଣକୁ ଆଗେଇ ନେବା ପାଇଁ ପ୍ରେସ କ୍ଲବ ପକ୍ଷରୁ ଅନୁରୋଧ କରାଯାଇଥିଲା । ଏହି ଅବସରରେ ବରିଷ୍ଠ ସାମ୍ବାଦିକ ମହମ୍ମଦ ହୁସେନ, ପ୍ରେସ କ୍ଳବ ସମ୍ପାଦକ ମୁକୁନ୍ଦ ବେଶ୍ରା, ସାମ୍ବାଦିକ ମନୋଜ କୁମାର ପାଣ୍ଡି, ସଂଗ୍ରାମ କେଶରୀ ସାହୁ, ଦିବ୍ୟ ଶଙ୍କର ମହାପାତ୍ର, ତ୍ରିନାଥ ଡ଼ଙ୍ଗରୀ ପ୍ରମୁଖ ଉପସ୍ଥିତ ରହି ନୂତନ ବିଡିଓଙ୍କୁ ସ୍ୱାଗତ କରିଥିଲେ ।
