ପାନୀୟଜଳ ଯୋଗାଣ ଓ ସ୍ନାନ ଘାଟ ଉଦ୍ଘାଟିତ
Rasmita Behera
ପାରାଦୀପ: ଜଗତସିଂହପୁର ଜିଲ୍ଲା, କୁଜଙ୍ଗ ବ୍ଲକ୍ ଅନ୍ତର୍ଗତ ପାରାଦୀପ ଗଡ ଗ୍ରାମ ପଞ୍ଚାୟତର ପାରାଦୀପ ଗଡ ବସଷ୍ଟାଣ୍ଡଠାରେ ଗ୍ରୀଷ୍ମ କାଳୀନ ପାନୀୟ ଜଳ ଯୋଗାଣ କେନ୍ଦ୍ରକୁ ପାରାଦୀପ ଗଡ ଗ୍ରାମ ପଞ୍ଚାୟତ ସରପଞ୍ଚ ସସ୍ମିତା ବେହେରା ମଙ୍ଗଳବାର ଆଜି ଉଦଘାଟନ କରିବା ସହିତ କଟକ-ପାରାଦୀପ ରାସ୍ତାର ତାଳଦଣ୍ଡା କେନାଲ ତଟ ଲୋକନାଥ ମନ୍ଦିର ଗଡାଠାରେ ଅତ୍ୟାଧୁନିକ ସ୍ନାନ ଘାଟକୁ ମଧ୍ୟ ଶ୍ରୀମତୀ ବେହେରା ଉଦଘାଟନ କରିଛନ୍ତି । ଗ୍ରୀଷ୍ମକାଳୀନ ପାନୀୟ ଜଳ ଯୋଗାଣ କେନ୍ଦ୍ର ଏପ୍ରିଲ ୧ ତାରିଖରୁ ଜୁନ୍ ୧୪ ତାରିଖ ପର୍ଯ୍ୟନ୍ତ ଚାଲୁ ରହି ବାକୁ ନିଷ୍ପତ୍ତି ନିଆଯାଇ ଥିଲେ ହେଁ ଗ୍ରୀଷ୍ମର ପ୍ରକୋପକୁ ଦେଖି ଆବଶ୍ୟକ ପଡ଼ିଲେ କେନ୍ଦ୍ରର ଅବଧି ବୃଦ୍ଧି କରାଯିବ ବୋଲି ସରପଞ୍ଚ ସସ୍ମିତା ବେହେରା ପ୍ରକାଶ କରିଛନ୍ତି । ଏହି ଗ୍ରୀଷ୍ମ ସମୟ ମଧ୍ୟରେ ପାରାଦୀପ ଉପକଣ୍ଠରେ ଥିବା କଳ କାରଖାନାରେ କାର୍ଯ୍ୟରତ ଶ୍ରମିକମାନଙ୍କୁ ନୀରନ୍ତର ବିଶୁଦ୍ଧ ପାନୀୟ ଜଳ ଯୋଗାଇ ଦିଆଯିବ ବୋଲି ସେ ପ୍ରକାଶ କରିଥିଲେ । ସରକାରୀ ଅର୍ଥରେ ନିର୍ମିତ ହୋଇଥିବା ଅତ୍ୟାଧୁନିକ ସ୍ନାନ ଘାଟକୁ ପରିସ୍କାର ପରିଚ୍ଛନ୍ନ ରଖିବାକୁ ସେ ଜନସାଧାରଣକୁ ନିବେଦନ କରିଥିଲେ । ଉକ୍ତ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବରିଷ୍ଟ ଆଇନଜୀବୀ ସଞ୍ଜୟ କୁମାର ବେହେରା, ପ୍ରମୋଦ କୁମାର ଜେନା, ଚନ୍ଦ୍ର ଶେଖର ଚୌଧୁରୀ, ଅଲେଖ ମହାରଥା, ସତ୍ୟନାରାୟଣ ମହାପାତ୍ର, ରମେଶ ଚନ୍ଦ୍ର ବେହେରା, ଶୁକଦେବ ତରାଇ, ପ୍ରଭାତ ସାହୁ, ସଞ୍ଜୟ ସାମନ୍ତରାୟ, ଲିପୁନ ବେହେରା, ପରକ୍ଷିତ୍ ତରାଇ ପ୍ରମୁଖ ଯୋଗ ଦେଇଥିଲେ ।
