ପୁଲିସକୁ ଆକ୍ରମଣ ଘଟଣା; ସରପଞ୍ଚଙ୍କ ସମେତ ୧୭ ଗିରଫ
Henamanjaree Swain
ରଗଡ଼ି-କୋରେଇ : ଚୋରା ବାଇକ ଜବଦ କରିବା ସହ ଚୋରକୁ ଗିରଫ କରିବାକୁ ଯାଇଥିବା ପୁଲିସକୁ ଆକ୍ରମଣ ଓ ଗାଡ଼ିଭଙ୍ଗାରୁଜା ଭଳି ଘଟଣାରେ ୧୭ ଅଭିଯୁକ୍ତଙ୍କୁ ଯିବାକୁ ପଡ଼ିଛି ଜେଲ । ଜେଲ ଯାଇଥିବା ଅଭିଯୁକ୍ତଙ୍କ ମଧ୍ୟରେ କନ୍ତୋର ପଞ୍ଚାୟତ ସରପଞ୍ଚ ଏବଂ ପୂର୍ବକୋର୍ଟ ବସ୍ତିର ମୁଖିଆ ରହିଛନ୍ତି । ସୋମବାର ଡାକ୍ତରୀ ମଇନା ପରେ କୋର୍ଟ ଚାଲାଣ ହୋଇଥିବା ଅଭିଯୁକ୍ତଙ୍କ ମଧ୍ୟରେ ସରପଞ୍ଚ ସାରଙ୍ଗଧର ପ୍ରଧାନ(୫୮), ବସ୍ତିର ମୁଖିଆ ଆହୁଲା କଟେସ ରାଓ (୬୧)ଓ ତାଙ୍କ ପୁଅ ଆହୁଲା ସୋମନାଥ ରାଓ(୨୮)ବାବୁ ଦାସ (୬୦)ଓ ଗୋପାଳ ଦାସ (୩୭) । ସେହିପରି ମହିଳା ମାନଙ୍କ ମଧ୍ୟରେ ମେନକା ଦାସ( ୩୨)ସୀମାଦ୍ରୀ ଦାସ (୪୦), ମାମିଦାସ (୨୫)ପୁଷ୍ପା ଦାସ (୨୭)ଅରୁଣା ଦାସ (୪୦)ଶର୍ମିଳା ଦାସ (୨୫)ଆଉଲା ଦେବୀ (୩୫)ଅସନ୍ଧରା ଦାସ (୨୮)ସାବିତ୍ରୀ ମାଇକେଲ (୪୨)ମାଇକେଲ ଆଦମା (୪୫)ଆସପିନ ରାଓ (୨୫)ଓ ଆଉଲା କବିତା ରାଓ ପଚିଶି ଯାହା ସହିତ ଦୁଇଟି ଶିଶୁକନ୍ୟା ରହିଛନ୍ତି । ପୁଲିସ ପକ୍ଷରୁ ଏମାନଙ୍କ ବିରୋଧରେ ୯୫/୨୫ରେ ମାମଲା ରୁଜୁ ହୋଇଛି । ଘଟଣାକୁ ନେଇ ପୁଲିସ ପକ୍ଷରୁ ବସ୍ତି ଉପରେ ନଜର ରଖାଯାଇଛି ।ଖବର ଥାଉକି ଗଲାକାଲି କୋରେଇ ଥାନା ଅନ୍ତର୍ଗତ କନ୍ତୋର ପଞ୍ଚାୟତ ପୂର୍ବକୋଟ ହାଟ ପଡିଆରୁ କୋରେଇ ଥାନା ଅଧିକାରୀ ରାକେଶ ତ୍ରିପାଠୀଙ୍କ ସମେତ ଏକ ପୁଲିସ ଟିମ ଚୋରା ବାଇକ ଉଦ୍ଧାର କରିବାକୁ ଯାଇଥିବା ବେଳେ ସ୍ଥାନୀୟ ତେଲେଙ୍ଗା ବସ୍ତିର ମହିଳା ଓ ପୁରୁଷ ସେମାନଙ୍କ ଉପରେ ସଂଘବଦ୍ଧ ଆକ୍ରମଣର କରିଥିଲେ । ଏଥିସହିତ ସେମାନଙ୍କ ଟେକା ମାଡ଼ରେ ପୁଲିସ ଭ୍ୟାନ ଭାଙ୍ଗିରୁଜି ଯାଇଥିଲା । ବାଇକ ଚୋରିରେ ସମ୍ପୃକ୍ତ ଅଭିଯୋଗରେ ଦୁଇଜଣ ଯୁବକଙ୍କୁ ପୁଲିିସ ଭ୍ୟାନରୁ ଗଣ୍ଡଗୋଳକାରୀ ଜବରଦସ୍ତ ଛଡାଇ ନେଇଥିଲେ । ପୁଲିସ ପକ୍ଷରୁ ଏନେଇ ଏସପିଙ୍କୁ ଅବଗତ କରାଯାଇଥିଲା । ପରେ ଏସପିଙ୍କ ନିର୍ଦ୍ଦେଶରେ ତେଲେଙ୍ଗା ବସ୍ତି ପୁଲିସ ଦଳବଳ ନେଇ ଚଢାଉ କରିଥିଲା । ଯେଉଁଥିରେ୪ଗୋଟି ଥାନାରେ ଆଇଆଇସିଙ୍କ ସମେତ ଅନ୍ୟାନ୍ୟ ପୁଲିସ ଅଧିକାରୀ ଓ ଦୁଇ ପ୍ଲାଟୁନ ଫୋର୍ସ ବସ୍ତିକୁ ଘେରାବନ୍ଦି କରି କାର୍ଯ୍ୟାନୁଷ୍ଠାନ ସ୍ୱରୂପ ବସ୍ତିରୁ ୨୦ରୁ ଅଧିକ ଜଣଙ୍କୁ ଉଠାଇ ଆଣିଥିଲା ।
