ପୂର୍ବ ବିବାଦକୁ ନେଇ ହାଟ ଭିତରେ ହଣାହଣି ; ୩ ଗିରଫ
Jitendra Sahu
ଭୁବନେଶ୍ୱର, ୨୪ା୬ : ପୂର୍ବ ବିବାଦକୁ ନେଇ ଡୁମୁଡୁମା ହାଟରେ ୩ ଜଣ ଯୁବକ କିଛି ଜଣଙ୍କ ମଧ୍ୟରେ ଗଣ୍ଡଗୋଳ ସହ ମାରଣାସ୍ତ୍ର ସାହାର୍ଯ୍ୟରେ ହାଣାହଣି ବେଳେ ୩ ଜଣଙ୍କୁ କାବୁ କଲା ଖଣ୍ଡଗିରି ଥାନାର ପେଟ୍ରୋଲିଂ ଟିମ । ୩ ଜଣଙ୍କୁ ଗିରଫ କରିବା ସହ ସେମାନଙ୍କ ଠାରୁ ଛୁରୀ, ଭୁଜାଲି ଜବତ କରାଯାଇଛି । ଗିରଫ ୩ ଅଭିଯୁକ୍ତ ହେଲେ, ଜଦୁପୁରର ଏସକେ ସୁରଜ୍, ଏସକେ ସମିମ୍ ଓ ଏସକେ ରାଜା । ଆଜି ସମସ୍ତଙ୍କୁ ଥାନା କେସ ନମ୍ବର ୪୩୦ ଦଫା ୩୪୧,୩୦୭,୨୯୪,୩୪ ଆଇପିସି ଧାରାରେ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟଯେ, ଖଣ୍ଡଗିରି ଥାନÿା ଅଧିକାରୀ ଅଭିମନୁ୍ୟ ଦାସଙ୍କ ନିଦେ୍ର୍ଧଶ କ୍ରମେ ସମ୍ପୃକ୍ତ ଥାନାର ଏକ ପେଟ୍ରୋଲିଂ ଟିମ ନିଜ ଅଞ୍ଚଳରେ ପେଟ୍ରୋଲିଂ କରୁଥିବା ବେଳେ, ନିମ୍ନୋକ୍ତ ତିନିଜଣ ଅଭିଯୁକ୍ତ ଡୁମୁଡୁମା ସ୍ଥିତ ଫେଜ୍-୩ ହାଟରେ ପୂର୍ବ ବିବାଦକୁ ନେଇ ପରସ୍ପର ମଧ୍ୟରେ ଆ୍ରାଭ୍ୟ ଭାଷାରେ ଗାଳିଗୁଲଜ କରିବା ସହିତ ଜୀବନରୁ ମାରିଦେବାର ଧମକ ଦେଇ ମାରଣରସ୍ତ୍ର ଦ୍ୱାରା ପରସ୍ପରକୁ ଆକ୍ରମଣ କରୁଥିବା ନେଇ ବିଶ୍ୱସ୍ତ ସୁତ୍ରରୁ ସୂଚନା ପାଇଥିଲେ । ମିଳିଥିବା ଏହି ସୂଚନା ଅଧାରରେ ପେଟ୍ରୋଲିଂ ଟିମ ତୁରନ୍ତ ଘଟଣା ସ୍ଥଳରେ ପହଞ୍ଚି ପରସ୍ପର ମଧ୍ୟରୁ ମରଣାନ୍ତକ ଆକ୍ରମଣ ଯୋଗୁ ଗୁରୁତର ଆହତ ହୋଇ ଅଚେତ ଅବସ୍ଥାରେ ତଳେ ପଡ଼ିଥିବା ଅଭିଯୁକ୍ତକୁ ଉଦ୍ଧାର କରି ପ୍ରଥମେ କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତର କରିଥିଲେ । ପରେ ଖଣ୍ଡଗିରି ଥାନା ପୁଲିସ ଏହି ଘଟଣାର ତଦନ୍ତ କରି ମାମଲା ରୁଜୁକରି ନିମ୍ନୋକ୍ତ ଅଭିଯୁକ୍ତ ମାନଙ୍କୁ ଗିରଫ କରିଥିବା ବେଳେ, ଘଟଣା ସ୍ଥଳରୁ ଭଙ୍ଗା ବୋତଲ, ଛୁରୀ ଓ ଏକ ଭୁଜାଲି ଜବତ କରିଥିଲେ । ପରେ ସେମାନଙ୍କ ଥାନାକୁ ଆଣି ଆଜି ୩ ଜଣଙ୍କୁ କୋର୍ଟ ଚାଲାଣ କରାଯାଇଛି ।
