ପୂର୍ବ ଶତ୍ରୁତାକୁ ନେଇ ମରଣାନ୍ତକ ଆକ୍ରମଣ ; ଅଭିଯୁକ୍ତ ଗିରଫ
Jitendra Sahu
ଭୁବନେଶ୍ୱର, ୧୦ା୬ : ପୂର୍ବ ଶତ୍ରୁତାକୁ କେନ୍ଦ୍ର କରି ଗିକାଲି ରାତିରେ ବିଦୁ୍ୟତ୍ କାଟ ବେଳେ ଘର ଆଗରେ ବସିଥିବା ଅଭିଯୋଗକାରୀଙ୍କୁ ହତ୍ୟା କରିବା ଉଦେଶ୍ୟରେ ଲୁହାରଡ଼ରେ ମରଣାନ୍ତକ ଆକ୍ରମଣ । ଏନେଇ ପାହାଳ ଥାନାରେ ଅଭିଯୋଗ ପରେ ପୁଲିସ ୨୫୦ରେ ମାମଲା ରୁଜୁକରି ତଦନ୍ତ ଚଳାଇ ଆଜି ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ହେଲା, ଲହରକଣ୍ଟାର ପ୍ରଭାତ ଭୋଇ । ପରେ ଦଫା ୩୪୧, ୨୯୪, ୩୨୩, ୩୦୭ରେ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟଯେ, ଅଭିଯୁକ୍ତ ପ୍ରଭାତ ଭୋଇ ଓ ଅଭିଯୋଗକାରୀ ଅଭିମନୁ୍ୟ କାଣ୍ଡି ଉଭୟେ ନହରକଣ୍ଟା ଗ୍ରାମର ଅଟନ୍ତି । ଗତ ୮ ତାରିଖ ଶନିବାର ଦିନ ପ୍ରଭାତ ମଦ୍ୟପାନ କରି ପୂର୍ବ ଶତ୍ରୁତାକୁ କେନ୍ଦ୍ରକରି ଅଭିଯୋଗକାରୀ ଅଭିମନୁ୍ୟଙ୍କ ଘର ଆଗକୁ ଯାଇ ତାଙ୍କ ମାଆ ଓ ଭଉଣୀଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲା । ରବିବାର ଦିନ ମଧ୍ୟ ଘର ସାମ୍ନାକୁ ଆସି ପୁଣି ଗାଳିଗୁଲଜ କରିବା ଆରମ୍ଭ କରିଥିଲା । ଏହି ସମୟରେ ଅଭିଯୋଗକାରୀ ଅଭିଯୁକ୍ତକୁ ବିରୋଧ କରିବା ପରେ ସେ ସେଠାରୁ ଚାଲିଯାଇଥିଲା । ପୁଣି ରାତି ୧୧ଟା ବେଳେ ବିଦୁ୍ୟତ୍ ନଥିବା ସମୟରେ ଅଭିଯୁକ୍ତ ମଦପି ଅଭିଯୋଗକାରୀ ଘର ସାମ୍ନରାକୁ ଆସି ଅନ୍ଧାରରେ ତାଙ୍କୁ ହତ୍ୟା କରିବା ଉଦେଶ୍ୟରେ ଏକ ଲୁହାରଡରେ ମୁଣ୍ଡକୁ ଲକ୍ଷ କରି ଆକ୍ରମଣ କରି ସେଠାରୁ ଫେରାର ହୋଇଯାଇଥିଲା । ଫଳରେ ଘଟଣା ସ୍ଥଳରୁ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ଅଭିମନୁ୍ୟଙ୍କୁ ଉଦ୍ଧାର କରି କ୍ୟାପିଟାଲ ହସ୍ପିଟାଲକୁ ନେବା ସହ ପରେ ପାହାଳ ଥାନାକୁ ଆସି ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ।
