ବନ୍ୟା ପରିସ୍ଥିତି ପରଖିବେ ପ୍ରଭାତୀ
Rasmita Behera
5944
ଭୁବନେଶ୍ୱର : ଆସନ୍ତାକାଲି ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡା ବନ୍ୟା ପରିସ୍ଥିତି ସମୀକ୍ଷା କରିବା ନିମନ୍ତେ ଏକ ଦିବସୀୟ ବାଲେଶ୍ୱର ଗସ୍ତ କରିବେ । ଏହି ଗସ୍ତ କାର୍ଯ୍ୟକ୍ରମରେ ଉପ-ମୁଖ୍ୟମନ୍ତ୍ରୀ ଶ୍ରୀମତୀ ପରିଡା ବାଲେଶ୍ୱର ଜିଲ୍ଲା ସ୍ଥିତ ଭୋଗରାଇ ଓ ବାଲିଆପାଳ ସହିତ ଆଖପାଖ ବନ୍ୟା ପ୍ରଭାବିତ ଅଞ୍ଚଳର ବନ୍ୟାସ୍ଥିତି ସମୀକ୍ଷା କରିବେ ଓ ପ୍ରଶାସନିକ ପ୍ରସ୍ତୁତି ସମ୍ବନ୍ଧରେ ମଧ୍ୟ ଆଲୋଚନା କରିବେ ।ଏହି କାର୍ଯ୍ୟକ୍ରମରେ ଉପ-ମୁଖ୍ୟମନ୍ତ୍ରୀ ଶ୍ରୀମତୀ ପରିଡା ଆକାଶମାର୍ଗରୁ ବନ୍ୟା ପ୍ରଭାବିତ ଅଞ୍ଚଳ ସ୍ଥିତି ସମୀକ୍ଷା କରିବା ସହ କ୍ଷେତ୍ର ପରିଦର୍ଶନ ମଧ୍ୟ କରିବେ ।
