ବିଜେପିର ମଣ୍ଡଳସ୍ତରୀୟ ସାଂଗଠନିକ ବୈଠକ
Rasmita Behera
ାା ପ୍ରଭାନୁ୍ୟଜ ।ା ବୈଶିଙ୍ଗା: ଭାରତୀୟ ଜନତା ପାର୍ଟି ପକ୍ଷରୁ ବଡସାହି ନିର୍ବାଚନ ମଣ୍ଡଳୀରେ କ୍ରମାଗତ ଭାବେ ବିଭିନ୍ନ ମଣ୍ଡଳସ୍ତରରେ ଆଗାମୀ ପଞ୍ଚାୟତ ନିର୍ବାଚନକୁ ଦୃଷ୍ଟିରେ ରଖି ସାଂଗଠନିକ ବୈଠକ ଅନୁଷ୍ଠିତ ହୋଇ ଆସୁଛି । ଏହି ପରିପ୍ରେକ୍ଷୀରେ ବଡ଼ସାହି ବିଧାୟକଙ୍କ ନେତୃତ୍ୱରେ ରଘୁପୁର ମଣ୍ଡଳସ୍ତରୀୟ ସାଂଗଠନିକ ବୈଠକ କଳମା ଛକ ସ୍ଥିତ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି । ଏଥିରେ ମୟୂରଭଞ୍ଜ ଜିଲ୍ଲା ବିଜେପି ନିର୍ବାଚନ ଅଧିକାରୀ ଭାବେ ଦାୟିତ୍ୱରେ ଥିବା ବାଲେଶ୍ୱର ସଦର ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ଜୀବନ ପ୍ରଦୀପ ଦାସ ମୁଖ୍ୟଅତିଥି ଭାବେ ଯୋଗଦାନ କରିଥିବାବେଳେ ସମ୍ମାନିତ ଅତିଥି ଭାବେ ବିଜେପି ମୟୂରଭଞ୍ଜ ଜିଲ୍ଲା ଉପସଭାପତି ତଥା ରଘୁପୁର ମଣ୍ଡଳ ନିର୍ବାଚନ ଅଧିକାରୀ ସୁନୀଲ ଦାସ, ବଡସାହି ନିର୍ବାଚନ ମଣ୍ଡଳୀର ମଣ୍ଡଳ ସଭାପତି ଶିବଶଙ୍କର ପଣ୍ଡା ଏବଂ ରଘୁପୁର ମଣ୍ଡଳ ସଭାପତି ସର୍ବେଶ୍ୱର ନାୟକ ପ୍ରମୁଖ ମଞ୍ଚାସୀନ ଥିଲେ । ବର୍ତ୍ତମାନ ସମୟରେ ବିଜେପି କ୍ରମାଗତ ଭାବେ ଦୁଇ ଦୁଇ ଥର ସାଧାରଣ ନିର୍ବାଚନ ଜିତିଥିବାବେଳେ ବଡ଼ସାହି ନିର୍ବାଚନ ମଣ୍ଡଳୀ ଗୋଟିଏ ପ୍ରକାରର ବିଜେପି ଗଡ ବୋଲି ସାଧାରଣରେ ଆଲୋଚନା ହେଉଛି । ନିର୍ବାଚନ ମଣ୍ଡଳୀରେ ଏହାର ପ୍ରଭାବକୁ ଆହୁରି ସଂଗଠିତ ତଥା ପ୍ରଭାବିତ କରିବା ପାଇଁ ଭୋଟରମାନଙ୍କର ସମସ୍ୟାର ସମାଧାନ ପାଇଁ ପ୍ରତ୍ୟେକ୍ଷ ଭାବରେ ଜଡିତ ରହିବା ପାଇଁ ସମସ୍ତ ଅତିଥି ସମେତ ବିଧାୟକ ଶ୍ରୀଯୁକ୍ତ ବିଜୁଳି ଉପସ୍ଥିତ ସମସ୍ତ କର୍ମୀଙ୍କୁ ଆହ୍ୱାନ ଦେଇଥିଲେ । ଆଗାମୀ ନିର୍ବାଚନରେ ଶତପ୍ରତିଶତ ସଫଳତା ପାଇବା ପାଇଁ ଏବେଠୁ ପ୍ରଚେଷ୍ଟା ଜାରି ରଖିବା ପାଇଁ ଆଲୋଚନା ହୋଇଥିଲା । ରଘୁପୁର ମଣ୍ଡଳସ୍ତରୀୟ ସମସ୍ତ ବରିଷ୍ଠ କର୍ମୀ ଏଥିରେ ଯୋଗଦାନ କରିଥିଲେ । ପରିଶେଷରେ ମଣ୍ଡଳ ସଭାପତି ଶ୍ରୀ ନାୟକ ଧନ୍ୟବାଦ ଅର୍ପଣ କରିଥିଲେ ।
