ମାଲେଗାଁଓ ଘଟଣାରେ ସମସ୍ତେ ନିଦେ୍ର୍ଦାଷ

 ମୁମ୍ବାଇ :  ମାଲେଗାଁଓ ବିସ୍ଫୋରଣ ମାମଲାର ରାୟ ଆଜି ପ୍ରକାଶ ପାଇଛି । ଦୀର୍ଘ ୧୭ ବର୍ଷ ପରେ ଆସିଛି ରାୟ । ସବୁଠୁ ବଡ ଖବର ହେଉଛି ମାମଲାର ସମସ୍ତ ଅଭିଯୁକ୍ତ ଦୋଷମୁକ୍ତ ହୋଇଛନ୍ତି । ସମସ୍ତ ଅଭିଯୁକ୍ତଙ୍କୁ ନିଦେ୍ର୍ଦାଷ କହିଲେ କୋର୍ଟ । ଏହି ମାମଲାର ରାୟ ଶୁଣାଇଛନ୍ତି ସ୍ୱତନ୍ତ୍ର ଜାତୀୟ ତଦନ୍ତ ଏଜେନ୍ସି (ଏନଆଇଏ)ଙ୍କ କୋର୍ଟ । ମାମଲାରେ ସ୍ୱାଧ୍ୱୀ ପ୍ରଜ୍ଞା ଠାକୁର, ଲେଫନାଣ୍ଟ କର୍ଣ୍ଣେଲ ପ୍ରସାଦ ପୁରୋହିତଙ୍କ ସମେତ ୭ ଅଭିଯୁକ୍ତଙ୍କୁ ଦୋଷମୁକ୍ତ କରାଯାଇଛି । କୋର୍ଟ କହିଲେ, କର୍ଣ୍ଣେଲ ବୋମା ଆଣିଥିବା ନେଇ ପ୍ରମାଣ ନାହିଁ । ସେ ବାଇକରେ ବୋମା ଲଗାଇଥିବାର କୌଣସି ପ୍ରମାଣ ନାହିଁ । କୌଣସି ବି ପ୍ରମାଣ ବିଶ୍ୱସନୀୟ ନୁହେଁ  ।  ଘଟଣାସ୍ଥଳରେ ବ୍ୟାରିକେଡ୍ କରାଯାଇନଥିଲା ତେଣୁ କୌଣସି ନିଷ୍କର୍ଷର୍ ବାହାରି ପାରିଲାନି । ବାଇକର ଚେଚିସ୍ ନମ୍ବର ଉଡାଇ ଦିଆଯାଇଥିଲା ଯାହାକୁ ରିଷ୍ଟୋର କରାଯାଇପାରିଲା ନାହିଁ । ତେଣୁ ଏହା କୁହାଯାଇ ନପାରେ କି ତାହା ସ୍ୱାଧ୍ୱୀ ପ୍ରଜ୍ଞାଙ୍କ ବାଇକ ବୋଲି । କୋର୍ଟଙ୍କ ଠାରୁ କ୍ଲିନ୍ ଚିଟ୍ ମିଳିବା ପରେ ଆଶ୍ୱସ୍ତ ହୋଇଛନ୍ତି ସମସ୍ତ ଅଭିଯୁକ୍ତ । 
୨୦୦୮ ମସିହା ସେପ୍ଟେମ୍ବର ୨୯ ତାରିଖ ପବିତ୍ର ରମଜାନ ମାସରେ  ଉତ୍ତର ମହାରାଷ୍ଟ୍ରର ମାଲେଗାଁଓ ସହର ଏକ ମସଜିଦ ନିକଟରେ ଏକ ମୋଟରସାଇକେଲରେ ବନ୍ଧା ହୋଇଥିବା ଏକ ବିସ୍ଫୋରକ ବିସ୍ଫୋରଣ ଘଟି ୬ ଜଣ ଲୋକ ପ୍ରାଣ ହରାଇଥିଲେ ଏବଂ ୧୦୦ ରୁ ଅଧିକ ଆହତ ହୋଇଥିଲେ ।
ରାୟ ଘୋଷଣା କରିବା ସମୟରେ, ଏନଆଇଏ କୋର୍ଟର ସ୍ୱତନ୍ତ୍ର ବିଚାରପତି ଏ.କେ ଲାହୋଟି ପର୍ଯ୍ୟବେକ୍ଷଣ କରିଥିଲେ ଯେ ଅଭିଯୋଗକାରୀ କୌଣସି "ଦୃଢ଼ ପ୍ରମାଣ’  ଦେବାରେ ବିଫଳ ହୋଇଛନ୍ତି ବୋଲି କୋର୍ଟ ଉଲ୍ଲେଖ କରିଛନ୍ତି । କେବଳ ସନେ୍ଦହ ଆଧାରରେ ସେମାନଙ୍କୁ ଦଣ୍ଡ ଦେବା ପାଇଁ ଯଥେଷ୍ଟ ନୁହେଁ ।  ତେଣୁ କୋର୍ଟ କହିଛନ୍ତି ଯେ ଏହା ସେମାନଙ୍କୁ ସନେ୍ଦହର ଲାଭ ଦେଇଛି ।  "ଆତଙ୍କବାଦର କୌଣସି ଧର୍ମ ନାହିଁ କିନ୍ତୁ ଦୋଷୀ ସାବ୍ୟସ୍ତ ହେବା ନୈତିକ ଆଧାର ଉପରେ ଆଧାରିତ ହୋଇପାରିବ ନାହିଁ ବୋଲି କୋର୍ଟ କହିଛନ୍ତି । ପ୍ରାୟ ୧୭ ବର୍ଷ ଧରି ଚାଲିଥିବା ଏହି ମାମଲାର ଦୀର୍ଘ ବିଚାର ପରେ କୋର୍ଟ ଏହି ନିଦେ୍ର୍ଦଶ ଦେଇଛନ୍ତି । ଲେଫ୍ଟନାଣ୍ଟ କର୍ଣ୍ଣେଲ ପୁରୋହିତ, ପ୍ରଜ୍ଞା ଠାକୁର, ମେଜର (ଅବସରପ୍ରାପ୍ତ) ରମେଶ ଉପାଧ୍ୟାୟ, ଅଜୟ ରାହିରକର, ସୁଧାକର ଦ୍ୱିବେଦୀ, ସୁଧାକର ଚତୁର୍ବେଦୀ ଏବଂ ସମୀର କୁଲକର୍ଣ୍ଣି ବେଆଇନ କାର୍ଯ୍ୟକଳାପ (ନିବାରଣ) ଆଇନ, ବା ଉପା, ମହାରାଷ୍ଟ୍ର ସଂଗଠିତ ଅପରାଧ ନିୟନ୍ତ୍ରଣ ଆଇନ (ମକୋକା) ଏବଂ ଭାରତୀୟ ଦଣ୍ଡ ସଂହିତା (ଆଇପିସି) ବ୍ୟବସ୍ଥା ଅନୁଯାୟୀ ଏହି ମାମଲାରେ ବିଚାରାଧୀନ ଥିଲେ । ପ୍ରଜ୍ଞା ଠାକୁରଙ୍କ ବିରୁଦ୍ଧରେ ଅଭିଯୋଗ ସମ୍ପର୍କରେ କୋର୍ଟ ଉଲ୍ଲେଖ କରିଛନ୍ତି ଯେ ଅଭିଯୋଗକାରୀ ଦଳ ବିସ୍ଫୋରଣ ହୋଇଥିବା ବାଇକ୍ ତାଙ୍କର ବୋଲି ପ୍ରମାଣ କରିବାରେ ବିଫଳ ହୋଇଛନ୍ତି ଏବଂ ଲକ୍ଷ୍ୟ କରିଛନ୍ତି ଯେ ବିସ୍ଫୋରଣର ଦୁଇ ବର୍ଷ ପୂର୍ବରୁ ସେ ‘ସାଧ୍ୱୀ' ହୋଇଯାଇଥିଲେ ଏବଂ "ସମସ୍ତ ଭୌତିକ ଜିନିଷ ଛାଡ଼ି ଦେଇଥିଲେ’ ।