ଲୁଟେରା ଗିରଫ ; ୯ ମୋବାଇଲ ଓ ଏକ ବାଇକ ଜବତ
Jitendra Sahu
5162
ବାଲିଅନ୍ତା, ୨୬ା୮ : ଗତ କିଛି ଦିନ ତଳେ କଟକ ସଦର ଥାନା ଅନ୍ତର୍ଗତ ଗୁଆଳି ଗାଁର ସାମ୍ବାଦିକ କୃଷ୍ଣ ଚନ୍ଦ୍ର ପାଣିଗ୍ରାହୀ କୌଣସି କାର୍ଯ୍ୟରେ ଯାଉଥିବା ବେଳେ ଏହି ଥାନା ଅନ୍ତର୍ଗତ କୁରାଙ୍ଗ ଠାରେ ତାଙ୍କ ପିଛାକରି ମୋବାଇଲ ଫୋନକୁ ଚଳନ୍ତା ଗାଡ଼ିରେ ସାର୍ଟ ପକେଟରୁ ମୋବାଇଲ ଝାମ୍ପି ନେଇ ଫେରାର ହୋଇଯାଇଥିଲେ ଲୁଟେରା । ଏନେଇ କଟକ ସଦର ଥାନାରେ ଲିଖିତ ଅଭିଯୋଗ କରିଥିଲେ ସାମ୍ବାଦିକ କୃଷ୍ଣ ଚନ୍ଦ୍ର ପାଣିଗ୍ରାହୀ,କିଛି ଦିନ ବ୍ୟବଧାନ ପରେ ଭୁବନେଶ୍ୱର-କଟକ କମିଶନରେଟ୍ ପୁଲିସ ଅଧିନ
ପାହାଳ ଥାନା ପୁଲିସ ହାତରେ ଜଣେ ମୋବାଇଲ ଲୁଟେରା ଧରାପଡିଛି । ଏହି ଲୁଟେରା ଗ୍ୟାଙ୍ଗର ସଦସ୍ୟରୁ ଅଗଷ୍ଟ ୧୫ ତାରିଖରେ, ତିନିଜଣ ମୋବାଇଲ ଲୁଟେରାଙ୍କୁ ଗିରଫ କରିଥିଲା ପାହାଳ ଥାନା ପୁଲିସ ସେମାନଙ୍କ ନିକଟରୁ ୭ ମୋବାଇଲ ଜବତ କରିଥିଲା । ଜାତୀୟ ରାଜପଥ ଓ ବିଭିନ୍ନ ହାଟ ବଜାର ଓ ଚଳନ୍ତା ଗାଡିରୁ କୌଶଳ କ୍ରମେ ମୋବାଇଲ ଲୁଟ୍ପାଟ୍ କରୁଥିଲେ । ଆଜି ଏହି ଗ୍ୟାଙ୍ଗର ମୂଖ୍ୟକୁ ଗିରଫ କରିଛି ପାହାଳ ଥାନା ପୁଲିସ । ଅଭିଯୁକ୍ତ ଠାରୁ ୯ଟି ମୋବାଇଲ ଓ ଏକ ବାଇକ୍ ଜବତ କରାଯାଇଛି । ଗିରଫ ଅଭିଯୁକ୍ତ ହେଲା, ଜଗନ୍ନାଥପୁର ଗ୍ରାମର ମନୋରଞ୍ଜନ ଭୋଇ (୨୫) ଓରଫ ତପୁ । ଆଜି ତାକୁ କୋର୍ଟ ଚାଲାଣ କରାଯାଇଛି ।
