ଜମି ବାଡିକୁ ନେଇ ସାନ ଭାଇଙ୍କୁ ହାଣିଲା ବଡ଼ ଭାଇ
Jitendra Sahu
ଭୁବନେଶ୍ୱର, ୦୩ା୬ : ଅଭିଯୋଗକାରୀ ସାନ ଭାଇ ପରିବାର ସହ ଘର ପରିସର ସଫା କରୁଥିବା ବେଳେ ଅଭିଯୁକ୍ତ ବଡ଼ ଭାଇ ଜଣଙ୍କ ସେଠାରେ ପହଞ୍ଚି ତାଙ୍କ ଜମି କାହିଁକି ସଫା କରୁଛୁ କରି ସମସ୍ତଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିବା ଆରମ୍ଭ କରିଥିଲା । ଏହାକୁ ବିରୋଧ କରିବାରୁ ସାନ ଭାଇ ଧନେଶ୍ୱରକୁ ଏକ କଟୁରୀରେ ହଠାତ ମରଣାନ୍ତକ ଆକ୍ରମଣ କରିଥିଲେ ବଡ଼ ଭାଇ ଶବର । ଯାହାଫଳରେ ଅଭିଯୋଗକାରୀଙ୍କ ହାତରେ ଗଭୀର ଆଘାତ ଲାଗିଥିଲା । ଏନେଇ ଏୟାରଫିଲ୍ଡ ଥାନାରେ ଅଭିଯୋଗ ପରେ ପୁଲିସ ୧୫୮ରେ ମାମଲା ରୁଜୁକରି ତଦନ୍ତ ଚଳାଇ ଅଭିଯୁକ୍ତ ଶବର ମହାରଣା (୭୨)କୁ ଗିରଫ କରିଛି । ପରେ ଦଫା ୩୪୧, ୨୯୪, ୩୨୩, ୩୦୭ରେ କୋର୍ଟ ଚାଲାଣ କରାଯାଇଛି । ଶବର ମହାରଣା ଘର ହେଉଛି ଜଟଣୀ ଥାନା ଅଧିନ ଜାମୁକୋଳି ଗ୍ରାମର ।
ସୂଚନାଯୋଗ୍ୟଯେ, ଅଭିଯୋଗକାରୀ ଧନେଶ୍ୱର ମହାରଣା (୭୦) ପରିବାର ସହ ଏୟାରଫିଲ୍ଡ ଥାନା ଅଧିନ ଜାମୁକୋଳି ଗ୍ରାମରେ ରୁହନ୍ତି । ଗତ କାଲି ଅପରାହ୍ନରେ ଧନେଶ୍ୱର ପରିବାର ସହ ଘର ପରିସର ଜମିକୁ ସଫା କରୁଥିଲେ । ଏହି ସମୟରେ ଧନେଶ୍ୱରଙ୍କ ବଡ଼ ଭାଇ ଶବର ମହାରଣା (୭୨) ସେଠାରେ ପହଞ୍ଚି ସାନ ଭାଇ ଓ ତାଙ୍କ ପରିବାରଙ୍କୁ କାହିଁକି ଜମିରେ ସଫା କରୁଛ କରି ଭାଷା ଅଭାଷାରେ ଗାଳିଗୁଲଜ କରିବା ଆରମ୍ଭ କରିଥିଲେ । ଏହି ସମୟରେ ସାନ ଭାଇ ବିରୋଧ କରିବାରୁ ଅଭିଯୁକ୍ତ ବଡ଼ ଭାଇ ଘର ଏକ କଟୁରୀ ଆଣି ହଟାତ ସାନ ଭାଇ ଧନେଶ୍ୱରକୁ ତାଙ୍କ ପରିବାର ସାମ୍ନାରେ ହାଣିଥିଲେ । ଫଳରେ ଭାଇର କଟୁରୀ ଚୋଟରେ ସାନ ଭାଇର ହାତ ଝୁଲିପଡ଼ିଥିଲା । ପରେ ଘଟଣା ସ୍ଥଳରୁ ଅଭିଯୁକ୍ତ ଘରକୁ ଚାଲିଯାଇଥିଲେ । ପରେ ସଙ୍ଗେ ସଙ୍ଗେ ଅଭିଯୋଗକାରୀ ଧନେଶ୍ୱରଙ୍କୁ ପରିବାର ଲୋକେ କ୍ୟାପିଟାଲ ହସ୍ପିଟାଲକୁ ନେଇ ଚିକିତ୍ସା କରି ପରେ ଏୟାରଫିଲ୍ଡ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ଆଜି ଅଭିଯୁକ୍ତକୁ ଗିରଫ କରିଛି ।
