ଶିକ୍ଷାବିତ ଲଷ୍ମୀଧର ଶତପଥୀଙ୍କ ସ୍ମୃତିସଭା
Rasmita Behera
କାକଟପୁର: କାକଟପୁର ବ୍ଲକ୍ ଅଧିନ ଗମ୍ଭାରିପଦା ଗ୍ରାମର ଶିକ୍ଷାବିତ୍, ଆଦର୍ଶ ଶିକ୍ଷକ ତଥା ଜଣେ ସୃଜନଶୀଳ ବ୍ୟକ୍ତିତ୍ୱ ସ୍ୱର୍ଗତ ଲଷ୍ମୀଧର ଶତପଥୀଙ୍କ ବିୟୋଗରେ ଏକ ଶ୍ରଦ୍ଧାଞ୍ଜଳୀ ସଭା ଅନୁଷ୍ଠିତ ହୋଇଯାଇଛି । ଗମ୍ଭାରିପଦା ସ୍ଥିତ ତାଙ୍କ ବାସଭବନରେ ସନ୍ଧ୍ୟାରେ ଆୟୋଜିତ ସ୍ମୃତିସଭାରେ କାକଟପୁର ବିଧାୟକ ତୁଷାରକାନ୍ତି ବେହେରା, ଜିଲ୍ଲାପରିଷଦ ଉପାଧ୍ୟକ୍ଷ ସ୍ୱାଧୀନ ନାୟକ, କବିରାଜ ବିଶ୍ୱାଳ, ଅଶୋକ ଦଳାଇ, ପ୍ରାଣନାଥ ମଲ୍ଲିକ, ଜ୍ଞାନ ରଞ୍ଜନ ସାହୁ, କଂଗ୍ରେସ ବିଧାୟକ ପ୍ରାର୍ଥୀ ବିଶ୍ୱଭୂଷଣ ଦାସ, ଜିଲ୍ଲା କଂଗ୍ରେସ ସାଧାରଣ ସମ୍ପାଦକ ସୌମ୍ୟକାନ୍ତ ଖୁଣ୍ଟିଆ, ଆଇନଜୀବୀ ପ୍ରଫୁଲ୍ଲ ନାୟକ, ବିଜେପି ବିଧାୟକ ପ୍ରାର୍ଥୀ ବାଇଧର ମଲ୍ଲିକ, ଜଳନ୍ଧର ନାୟକ, ବାସନ୍ତୀ ନାୟକ, ପୂର୍ବତନ ବ୍ଲକ୍ ଅଧ୍ୟକ୍ଷ ବିପିନ ବିହାରୀ ମହାନ୍ତିଙ୍କ ସମେତ କାକଟପୁର ଅଞ୍ଚଳର ସମସ୍ତ ବରିଷ୍ଠ ନେତୃମଣ୍ଡଳୀ ଶ୍ରଦ୍ଧା ସୁମନ ଅର୍ପଣ କରିଥିଲେ । କାର୍ଯ୍ୟକ୍ରମରେ କାକଟପୁର ପ୍ରେସ କ୍ଲବ୍ ସଭାପତି କମଳ ଲୋଚନ ଦୀକ୍ଷିତ, ଉପସଭାପତି ତୁଷାର ରଞ୍ଜନ ଦୀକ୍ଷିତ, ସାମ୍ବାଦିକ ନିରଞ୍ଜନ ଦାସ, ସମୀର କର, ଆଦିତ୍ୟ ରାଉତ, ପ୍ରଦୀପ୍ତ ଦୀକ୍ଷିତ, ଲୋକନାଥ ସ୍ୱାଇଁ, ଭାଗବତ ସ୍ୱାଇଁ ପ୍ରମୁଖ ସାମ୍ବାଦିକ ବୃକ୍ଷରୋପଣ କରିଥିଲେ । ସ୍ୱର୍ଗତ ଶତପଥୀଙ୍କ ପୁଅ ଶଙ୍କରଶ୍ରୀ ଶିବାନନ୍ଦ ଶତପଥୀ ଏବଂ ପୁତ୍ରବଧୂ କୃଷ୍ଣପ୍ରିୟା ଶତପଥୀ ପରିଚାଳନା କରିଥିଲେ ।
