ସରସ୍ୱତୀ ଶିଶୁ ବିଦ୍ୟାମନ୍ଦିରରେ ବାର୍ଷିକ କ୍ରୀଡା ଉଦ୍ୟାପିତ
Rasmita Behera
4732
ଜଟଣୀ: ସରସ୍ୱତୀ ଶିଶୁବିଦ୍ୟା ମନ୍ଦିରରେ ୧୭ତମ ବାର୍ଷିକ କ୍ରୀଡା ଉସôବ ଅନୁଷ୍ଠିତ ହୋଇଛି । ଉଦ୍ଘାଟନ ଉସôବରେ ମୁଖ୍ୟଅତିଥି କ୍ରୀଡା ଶିକ୍ଷକ ଡ. ବେଣୁଧର ଦାଶ ଏବଂ ପ୍ରଶିକ୍ଷକ କେଦାର ବରାଳ ଯୋଗ ଦେଇ କ୍ରୀଡାର ମହତ୍ୱ ସମ୍ପର୍କରେ ଉଦବୋଧନ ଦେଇଥିଲେ । ଧ୍ୱଜା ରୋହଣ ହେବାପରେ କ୍ରୀଡାବିତ୍ ମାନଙ୍କ ଦ୍ୱାରା ଅଭିବାଦନ ସଞ୍ଚାଳନ କରାଯାଇଥଲା । ଶିଶୁ ବିଦ୍ୟା ମନ୍ଦିରର ପ୍ରଧାନଆଚାର୍ଯ୍ୟ ରଙ୍ଗନାଥ ବେହେରା ସ୍ୱାଗତ ଭାଷଣ ସହ ଅତିଥି ପରିଚୟ ପ୍ରଦାନ କରିଥିଲେ । ହିମାଂଶୁ ଶେଖର ବାରିକ କ୍ରୀଡା ଜ୍ୟୋତି ପରିକ୍ରମା କରିଥିଲେ । ପରିଚାଳନା ସମିତିର ସମ୍ପାଦକ ସୁଶାନ୍ତ କୁମାର ସୁବୁଦ୍ଧି ଉପସ୍ଥିତ ରହି କ୍ରୀଡା ଶୁଭାରମ୍ଭ କରିଥିଲେ । ଏହି କ୍ରୀଡାରେ ଶିଶୁ ବିଭାଗର ୧୮୦ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । କ୍ରୀଡା ବିବରଣୀ ସ୍କୁଲ କ୍ରୀଡା ପ୍ରମ୍ମୁଖ ବିନୀତା ଷଡଙ୍ଗୀ ପାଠ କରିଥିଲେ । ଶେଷରେ ମମତା ମିଶ୍ର ଧନ୍ୟବାଦ ଅର୍ପଣ କରିଥିଲେ ।
