ସ୍କୁଟି ଚୋର ଗିରଫ
Jitendra Sahu
4833
ଭୁବନେଶ୍ୱର ୨୨ ।୧୦ : ଲକ୍ଷ୍ମୀସାଗର ଥାନା ପୁଲିସ ମଙ୍ଗଳବାର ଜଣେ ପେସାଦାର ସ୍କୁଟି ଚୋରକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଲେ ବାଲିପାଟଣା ଥାନା ଅନ୍ତର୍ଗତ ସୁମୁଡ଼ି ଗାଁର ରାଜୀବ ଲୋଚନ ସ୍ୱାଇଁ ଓରଫ ରିଣ୍ଟୁଆ (୪୨) । ଗିରଫ ଅଭିଯୁକ୍ତଙ୍କ ନାମରେ ରାଜଧାନୀର ଏକାଧିକ ଥାନାରେ ସ୍କୁଟି ଚୋରି କରିବା ନେଇ ମାମଲା ରହିଛି ।
ସୂଚନାଯୋଗ୍ୟ, ଗତ ୮ ତାରିଖ ସନ୍ଧ୍ୟାରେ ଅଭିଯୋଗକାରିଣୀଙ୍କ ସ୍ୱାମୀ ନିଜର ସ୍କୁଟି ନେଇ କୌଣସି କାମରେ ବାହାରକୁ ଯାଇଥିଲେ । ନିଶାଶକ୍ତ ଅବସ୍ଥାରେ ଝାରପଡ଼ା ଜେଲ ସମ୍ମୁଖରେ ସ୍କୁଟିକୁ ରଖି ଦେଇ ସେଠାରେ ଶୋଇପଡ଼ିଥିଲେ । ଏହି ସମୟରେ ଅଭିଯୁକ୍ତ ରିଣ୍ଟୁଆ କୌଶଳ କ୍ରମେ ଅଭିଯୋଗକାରିଣୀଙ୍କ ସ୍ୱାମୀଙ୍କ ଠାରୁ ସ୍କୁଟି ଓ ମୋବାଇଲ ଫୋନ ଚୋରି କରି ନେଇଥିଲେ । ଏ ନେଇ ଥାନାରେ ଅଭିଯୋଗ ହେବା ପରେ ପୁଲିସ ମାମଲା ରୁଜୁ କରିବା ସହ ସିସିଟିଭି ଫୁଟେଜ ଆଧାରରେ ବିଶେଷସୂତ୍ରରୁ ଖବର ପାଇ ବମିଖାଲ ଦୁର୍ଗା ମଣ୍ଡପ ନିକଟରୁ ଅଭିଯୁକ୍ତ ରିଣ୍ଟୁଆକୁ ଗିରଫ କରିିଛି ।
