୨ ଲୁଟେରା ଗିରଫ; ମୋବାଇଲ ବାଇକ ଜବତ
Jitendra Sahu
ଭୁବନେଶ୍ୱର, ୨୧ା୧୨ : ଅଭିଯୋଗକାରୀ ଚାଲିଚାଲି ଘରକୁ ଫେରୁଥିବା ବେଳେ, ୟୁନିଟ୍-୪ ଏମଏଲଏ କଲୋନୀ ରାସ୍ତାରୁ ୨ ଲୁଟେରା ବାଇକରେ ଆସି ଆକ୍ରମଣ କରି ମୋବାଇଲ ଓ ଟଙ୍କା ଛାମ୍ପିନେଲେ । ଏନେଇ ଅଭିଯୋଗକାରୀ ଖାରବେଳନଗର ଥାନାରେ ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଦୁଇ ଲୁଟେରାଙ୍କୁ ଗିରଫ କରିବା ସହ ସେମାନଙ୍କ ଠାରୁ ଏକ ମୋବାଇଲ ଓ ଏକ ସ୍କୁଟି ବାଇକ ଜବତ କରାଯାଇଛି । ଗିରଫ ୨ ଲୁଟେରା ହେଲେ, ୟୁନିଟ୍-୪ ଅଞ୍ଚଳରେ ରହୁଥିବା ଗଞ୍ଜାମ ଜିଲ୍ଲାର ବିକାଶ ବେହେରା ଓ ବାଲାଜୀ ବେହେରା । ଆଜି ଦୁହିଁଙ୍କୁ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟ ଯେ, ଅଭିଯୋଗକାରୀ ରଞ୍ଜିତ୍ ମାଝି ଗତ ୧୬ ତାରିଖ ଦିନ ପ୍ରାୟ ୩.୨୦ ସମୟରେ ଏମଏଲଏ କଲୋନୀରୁ ଚାଲିଚାଲି ଘରକୁ ଫେରୁଥିବା ସମୟରେ ଦୁଇ ଅଭିଯୁକ୍ତ ଏକ ସ୍କୁଟିରେ ଆସି ଅଭିଯୋଗକାରୀଙ୍କର ଫୋନଟିକୁ ଜୋରଜବରଜସ୍ତି ଛଡାଇ ନେଇଯାଇଥିଲେ । ଏନେଇ ଅଭିଯୋଗକାରୀ ଖାରବେଳନଗର ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଦୁଇ ଲୁଟେରାଙ୍କୁ ଏସବିଆଇ କଲୋନୀ ଅଞ୍ଚଳରୁ ଗିରଫ କରିବା ସହ ସେମାନଙ୍କ ଠାରୁ ମୋବାଇଲ ଓ ଏକ ବାଇକ ଜବତ କରାଯାଇଛି ।
