ଆକ୍ରମାଣ ଅଭିଯୋଗରେ ଯୁବକ ଗିରଫ
Jitendra Sahu
୪ା୫: ଏକତରଫା ପ୍ରେମରୁ ବିଫଳ ହେବାପରେ ପ୍ରେମିକାର ପୁରୁଷବନ୍ଧୁଙ୍କୁ ଛୁରାମାଡ କରିବା ଘଟଣାରେ ଧଉଳି ଥାନା ପୁଲିସ ଜଣଙ୍କୁ ଗିରଫ କରି ଅଦାଲତ ·ଲାଣ କରିଛି । ସେ ହେଲେ ସ୍ଥାନୀୟ ନଖାଉର ଗ୍ରାମର ଅମୁଲ୍ୟ କୁମାର ଶତପଥି । ଏଥିସହ ତାଙ୍କ ଠାରୁ ଆକ୍ରମଣରେ ବ୍ୟବହୃତ ହୋଇଥିବା ଛୁରୀ ଜବତ କରିଛି ପୁଲିସ । ଖବରନେବାରେ ଜଣାପଡିଛି ଅଭିଯୁକ୍ତ ଅମୁଲ୍ୟ ଧଉଳି ଥାନା ସମ୍ମୁଖରେ ଏକ ·, ପାନ ଦୋକାନ କରିଛନ୍ତି । ତାଙ୍କ ଦୋକାନ ଦେଇ ସ୍ଥାନୀୟ ଏକ ଆର୍ଟ କଲେଜର ଛାତ୍ରୀ ଥାନା ପଛପଟେ ଥିବା ମେସକୁ ଯିବାଆସିବା କରିଥାଏ । ଏହି ସମୟରେ ଅମୁଲ୍ୟ ଉକ୍ତ ଛାତ୍ରୀଙ୍କୁ ଏକତରଫା ପ୍ରେମ କରୁଥିଲା । ମାତ୍ର ଛାତ୍ରୀ ଜଣଙ୍କ ତାଙ୍କ କଲେଜର ଜଣେ ଛାତ୍ର(ପୁରୁଷବନ୍ଧୁ) ଶିବ ମଣ୍ଡଳଙ୍କୁ ଭଲ ପାଉଥିଲା । ହେଲେ ଏହାକୁ ସହଜରେ ଗ୍ରହଣ କରିପାରିନଥିଲେ ଅମୁଲ୍ୟ । ଏନେଇ ବିଭିନ୍ନ ସମୟରେ ଛାତ୍ରୀଙ୍କ ପୁରୁଷବନ୍ଧୁ ଶିବଙ୍କ ସହ ପାଟିତୁଣ୍ଡ କରିଥାଏ । ହେଲେ ଗତକାଲି ଉକ୍ତ ଘଟଣାର ପୁନରାବୃତ୍ତି ହୋଇଥିଲା । ଗତକାଲି ରାତିରେ ଉକ୍ତ ଛାତ୍ରୀ ଓ ଶିବ ମୋଟର ସାଇକଲ ଯୋଗେ ଅମୁଲ୍ୟ ଦୋକାନ ଦେଇ ମେସକୁ ଯାଉଥିବା ସମୟରେ ଅମୁଲ୍ୟ ତାଙ୍କୁ କମେଣ୍ଟ ମାରିବା ସହ ଅଶ୍ଳୀଳ ଇଙ୍ଗିତ କରିଥିଲେ । ଏନେଇ ଶିବ ଦୋକାନକୁ ଯାଇ ଏଥିରୁ ନିବୃତ୍ତ ରହିବା ପାଇଁ କହିଥିଲେ । ମାତ୍ର ଅମୁଲ୍ୟ ନିକଟରେ ଥିବା ଛୁରୀ ଶିବଙ୍କ ପେଟରେ ଭୂଷିବା ପାଇଁ ଉଦ୍ୟମ କରିଥିଲେ । ଏହି ସମୟରେ ଶିବ ବୁଲିଯିବାରୁ ଛୁରୀଟି ତାଙ୍କ ଛାତି ତଳେ ବାଜିଥିଲା । ଏନେଇ ଶିବ ସମ୍ପୃକ୍ତ ଥାନାରେ ଅଭିଯୋଗ କରିଥିଲେ ।
