ସଫେଇ ଗାଡି ଡ୍ରାଇଭରଙ୍କ ମୋବାଇଲ ଚୋରି ; ଲୁଟେରା ଗିରଫ
Jitendra Sahu
5200
ଭୁବନେଶ୍ୱର : ବିଏମସି ସଫେଇ ଗାଡିର ଡ୍ରାଇଭରଙ୍କ ମୋବାଇଲ ଚୋରି ଅଭିଯୋଗରେ ତମାଣ୍ଡୋ ଥାନା ପୁଲିସ ଲୁଟେରାକୁ ଗିରଫ କରିଛି । ଗିରଫ ଲୁଟେରା ଠାରୁ ଏକ ମୋବାଇଲ ଜବତ କରାଯାଇଛି । ପରେ ପୁଲିସ ଥାନା କେସ ନମ୍ବର ୧୩୦ରେ ମାମଲା ରୁଜୁକରି ଦଫା ୩୮୦ରେ କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ହେଲା, ତମାଣ୍ଡୋ ବେହେରା ସାହିର ସୌମ୍ୟଜିତ୍ ବେହେରା ।
ସୂଚନାଯୋଗ୍ୟ ଯେ, ଜଗବନ୍ଧୁ ତରିଆ ଭଗବାନପୁର ବିଏମସି ୟାର୍ଡ ଅଧିନସ୍ଥ ବିଏମସି ସଫେଇ ଗାଡିର ଡ୍ରାଇଭର ଭାବେ କାମ କରନ୍ତି । ଗତ ୧ ତାରିଖ ସକାଳେ ସେ ତମାଣ୍ଡୋ ଥାନା ଅନ୍ତର୍ଗତ ଭଗବାନପୁର ଠାରେ ଗାଡିର ଡ୍ରାଇଭର ସିଟରେ ନିଜ ଫୋନଟିକୁ ରଖି ବାହାରେ କଥା ହେଉଥିବା ବେଳେ ଅଭିଯୁକ୍ତ ଜଣଙ୍କ ଗାଡିରୁ ମୋବାଇଲ ଟିକୁ ନେଇ ଫେରାର ହୋଇଯାଇଥିଲା । ଏନେଇ ଡ୍ରାଇଭର ଜଣଙ୍କ ତମାଣ୍ଡୋ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ମୋବାଇଲ ଟ୍ରାକିଂ କରି ଆଜି ଲୁଟେରାକୁ ତମାଣ୍ଡୋ ବେହେରା ସାହିରୁ ଗିରଫ କରାଯାଇଛି ।
