ଜେଏସଡବ୍ଲୁକୁ କାଳିଙ୍ଗା ପରିବେଶ ଉକ୍ରର୍ଷ ପୁରସ୍କାର
Rasmita Behera
ଯୋଡ଼ା : ଓଡ଼ିଶା ଜେଏସଡବ୍ଲୁ ଷ୍ଟିଲର ନୁଆଗାଓନ ଖଣିକୁ ସମ୍ମାନଜନକ କାଲିଙ୍ଗା ପରିବେଶ ଉକôର୍ଷ ଜାତୀୟ ପୁରସ୍କାର ୨୦୨୪ ସହିତ ପୁରସ୍କୃତ କରାଯାଇଛି, ପରିବେଶ ସ୍ଥିରତା ଏବଂ ପରିବେଶ ସଂରକ୍ଷଣ ପାଇଁ ଏହାର ନିରନ୍ତର ପ୍ରତିବଦ୍ଧତାକୁ ସ୍ୱୀକୃତି ଦେଇ ୪ ତାରକା ମାନ୍ୟତା ହାସଲ କରିଛି । ୨୧ ଜୁନ୍ ୨୦୨୫ରେ ଭୁବନେଶ୍ୱରରେ ଅନୁଷ୍ଠିତ ଦଶମ ଜାତୀୟ ପରିବେଶ, ଶକ୍ତି ଏବଂ ଜଳବାୟୁ ପରିବର୍ତ୍ତନ ସମ୍ମିଳନୀ ସମୟରେ ଏହି ସ୍ୱୀକୃତି ପ୍ରଦାନ କରାଯାଇଥିଲା । କମ୍ପାନୀର ପରିବେଶ ଦଳ ସହିତ ଜେଏସଡବ୍ଲୁ ଷ୍ଟିଲ ଓଡିଶାର ମାଇନ୍ସ ଅପରେସନ୍ସ ଏବଂ ପ୍ରୋଜେକ୍ଟର ମୁଖ୍ୟ ରାମ ଶଙ୍କର ଶର୍ମା ଏହି ପୁରସ୍କାର ଗ୍ରହଣ କରିଛନ୍ତି । ଏହି ପୁରସ୍କାର ଖଣିର ଦାୟିତ୍ୱପୂର୍ଣ୍ଣ ଖଣି କାର୍ଯ୍ୟପଦ୍ଧତି, ପରିବେଶଗତ ନିୟମାବଳୀ ଏବଂ ସ୍ଥାୟୀ ବିକାଶ ନୀତି ପ୍ରତି ଉକôୃଷ୍ଟ ପାଳନକୁ ଦର୍ଶାଏ । ଏହି କନକ୍ଲେଭରେ ପ୍ରମୁଖ ନୀତି ନିର୍ଦ୍ଧାରକ, ଶିଳ୍ପ ନେତା ଏବଂ ପରିବେଶ ବିଦ୍ୱାନମାନେ ଏକତ୍ରିତ ହୋଇ ଗୁରୁତ୍ୱପୂର୍ଣ୍ଣ ପରିବେଶଗତ ଚ୍ୟାଲେଞ୍ଜ ଏବଂ ଅଭିନବ ସମାଧାନ ଉପରେ ଆଲୋଚନା କରିଥିଲେ । "ବିଶ୍ୱବ୍ୟାପୀ ପ୍ଲାଷ୍ଟିକ୍ ପ୍ରଦୂଷଣ ସମାପ୍ତ କରିବା ପାଇଁ ପଦକ୍ଷେପ" ବିଷୟବସ୍ତୁ ଉପରେ କେନ୍ଦ୍ରିତ ଏହି କାର୍ଯ୍ୟକ୍ରମରେ ନେଟ୍-ଶୂନ୍ୟ ନିର୍ଗମନ, ଡିକାର୍ବନାଇଜେସନ୍, ନିୟାମକ ଢାଞ୍ଚା ଏବଂ ଶକ୍ତି ଦକ୍ଷତା ଉପରେ ଅଧିବେଶନ ଅନ୍ତର୍ଭୁକ୍ତ ହୋଇଥିଲା । ଉପସ୍ଥିତ ବିଶିଷ୍ଟ ବ୍ୟକ୍ତିମାନଙ୍କ ମଧ୍ୟରେ ଓଡ଼ିଶା ପ୍ରଦୂଷଣ ନିୟନ୍ତ୍ରଣ ବୋର୍ଡ ସଦସ୍ୟ ସଚିବ ଉମା ନାନ୍ଦୁରୀ, ଏସପିସିବିର ମୁଖ୍ୟ ପରିବେଶ ଇଞ୍ଜିନିୟର ଡକ୍ଟର ନିହାର ରଞ୍ଜନ ସାହୁ, ଅବସରପ୍ରାପ୍ତ ଆଇଏଫଏସ ପି. କେ. ମର୍କପ୍, ପୂର୍ବତନ ପିସିସିଏଫ, ରାଜସ୍ଥାନ ସରକାର ଏବଂ ଅଧ୍ୟକ୍ଷ, ଓଡ଼ିଶା ରାଜ୍ୟ ଖାଦ୍ୟ କମିଶନ ପ୍ରଫେସର (ଡକ୍ଟର) ଜୟା କୃଷ୍ଣ ପାଣିଗ୍ରାହୀ ପ୍ରମୁଖ ଉପସ୍ଥିତଥିଲେ ।
