ଯାଜପୁରରେ କମ୍ପନ, କାହିଁକି ଜାଣନ୍ତୁ
pranab prakash das
Ramachandi Prasad
ଯାଜପୁର ଟାଉନ : ପ୍ରଣବ ପ୍ରକାଶ ଦାସଙ୍କ ଭାଇ ଭବ ପ୍ରକାଶ ଦାସଙ୍କୁ ଗିରଫ କରି ଜେଲ ପଠାଇ ଦିଆଯାଇଛି । ଗତ ବୁଧବାର ଦିନ ଧର୍ମଶାଳା ବିଧାୟକ ହିମାଂଶୁ ଶେଖର ସାହୁଙ୍କ ଗାଡିକୁ ଭଙ୍ଗାରୁଜା କରିବା ସହ ଆକ୍ରମଣ କରିବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ଯାହାକୁ ନେଇ ଯାଜପୁରରେ ଆଲୋଡ଼ନ ସୃଷ୍ଟିହୋଇଛି । ଗୁରୁବାର ୧୦ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିଲା । ପରେ ସେହି ଘଟଣାରେ ଶୁକ୍ରବାର ଦିନ ଆଉ ୪ଜଣ ଙ୍କୁ ଗିରଫ କରାଯାଇଛି । ଏହି ୪ଜଣ ହେଲେ ଯାଜପୁରସଦର ଥାନା ଶଙ୍ଖନାଳି ଗ୍ରାମର ବିରଂଚି ନାରାୟଣ ଆ·ର୍ଯ୍ୟଙ୍କ ପୁଅ ପ୍ରକାଶ କୁମାର ଆ·ର୍ଯ୍ୟ (୩୪), କୃଷ୍ଣଚନ୍ଦ୍ର ରାଉତଙ୍କ ପୁଅ ସୁଶିଲ ରାଉତ (୨୮) , ଯାହାନପୁର ଗ୍ରାମର ଗୟାଧର ଓଝାଙ୍କ ପୁଅ ସୁଦର୍ଶନ ଓଝା (୩୫) ଓ ଯାଜପୁରଟାଉନ ଥାନା ବାଣପୁର ଗ୍ରାମର ଚୈତନ୍ୟ ନାୟକଙ୍କ ପୁଅ ଅଚ୍ୟୁତାନନ୍ଦ ନାୟକ (୪୪) ଗିରଫ ହୋଇଥିଲେ । ଏହି ଘଟଣାରେ ଆହୁରି ଅନେକ ଅଭିଯୁକ୍ତ ରହିଥିବା ବେଳେ ପୋଲିସ ତାଙ୍କୁ ଧରିବା ପାଇଁ ଉଦ୍ୟମ ଜାରି ରଖିଛି । ଅପର ପକ୍ଷରେ ଶୁକ୍ରବାର ଦିନ ଯାଜପୁର ଟାଉନ ଥାନା ପକ୍ଷରୁ ୪ଟି କେଶ୍ ରୁଜୁ କରାଯାଇଛି । ଏଥିରେ ପୂର୍ବତନ ବିଧାୟକ ପ୍ରଣବ ପ୍ରକାଶ ଦାସଙ୍କ ଭାଇ ଭବପ୍ରସାଦ ଦାସ ଙ୍କ ନେତୃତ୍ୱରେ ଥାନା ଘେରାଓ କରିବା , ରାସ୍ତାରୋକ୍ କରିବା ଓ ବିରଜା ହାଟରେ ୨ଜଣ ବ୍ୟବସାୟୀଙ୍କ ଅଭିଯୋଗ ମୁତାବକ ୨ଟି ପୃଥକ ପୃଥକ କେଶ୍ ରୁଜୁ କରାଯାଇଛି । ଯେଉଁଥିରେ ଭବପ୍ରସାଦ ଦାସଙ୍କ ସମେତ ଯାଜପୁରସହରର ବହୁ ରାଜନୈତିକ ବ୍ୟକ୍ତିମାନେ ସଂଶ୍ଳିଷ୍ଟ ଥିବା ଜଣାପଡିଛି । ଏଥିରେ ସଂପୃକ୍ତ ଥିବା ୪ଜଣଙ୍କୁ ଯାଜପୁର ଥାନା ପୋଲିସ ଅଟକ ରଖି ତଦନ୍ତ ଜାରି ରଖିଥିବା ବେଳେ ଅନେକ ବ୍ୟକ୍ତି ଏବେ ନିଜର ମୋବାଇଲ୍ ବନ୍ଦ କରି ଯାଜପୁରସହର ଛାଡି ଅନ୍ୟତ୍ର ପଳାଇଯାଇଥିବା ସୂଚନା ମିଳିଛି ।
