ଟାଇକୋଣ୍ଡୋ କ୍ରୀଡ଼ାରେ ଡ୍ରିମ୍ ଲ୍ୟାଣ୍ଡ ଛାତ୍ରଛାତ୍ରୀଙ୍କ କୃତିତ୍ୱ
Rasmita Behera
ାା ପ୍ରଭାନୁ୍ୟଜ ।ା ଧର୍ମଶାଳା,: ଯାଜପୁର ଜିଲାର ଯାଜପୁରଟାଉନ ମା’ବିରଜା କଲ୍ୟାଣ ମଣ୍ଡପ ଠାରେ ଗତ ୨୧ତାରିଖରେ ତୃତୀୟତମ ଜିଲାସ୍ତରୀୟ ଟାଇକୋଣ୍ଡୋ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ପଣ୍ଡୁଆ ଡ୍ରିମଲ୍ୟାଣ୍ଡ ସ୍କୁଲର ଛାତ୍ରଛାତ୍ରୀ ଅଂଶଗ୍ରହଣ କରି କୃତିତ୍ୱ ଅର୍ଜନ କରିଛନ୍ତି । ବାଳକ କୁ୍ୟରୋଗି ସୁପର ସବ ଜୁନିୟର ବିଭାଗରୁ ସାଇ କ୍ରିଷ୍ଣା ନାୟକ(୧୦କେଜି) ସ୍ୱର୍ଣ୍ଣ, ଶ୍ରୀବାସ ଜେନା ସାମନ୍ତ(୨୨କେଜି) ସ୍ୱର୍ଣ୍ଣ, ଦିବେଶ୍ ପାତ୍ର(୨୨କେଜି) କାଂସ୍ୟ ପଦକ ହାସଲ କରିଛନ୍ତି । ସେହିପରି ବାଳିକା ସୁପର ସବ ଜୁନିୟର ବିଭାଗରୁ ଅକ୍ସରା ରାଉତରାୟ(୩୨ କେଜି) ସ୍ୱର୍ଣ୍ଣ, ଶ୍ରେୟସ୍ମିତା ପାଳ(୧୬ କେଜି) ରୋପ୍ୟ ପଦକ ହାସଲ କରି ନିଜ ସ୍କୁଲ ପାଇଁ ଗୌରବ ଅର୍ଜନ କରିଛନ୍ତି । କୁନି କୁନି ଖେଳାଳି ମାନଙ୍କର ଉଜ୍ୱଳ ଭବିଷ୍ୟତ ପାଇଁ ସ୍କୁଲର ଅଧ୍ୟକ୍ଷା ଦେବାଶ୍ରିତା ନାୟକ, ଶିକ୍ଷୟିତ୍ରୀ ସ୍ମରଣିକା ସାମଲ, କ୍ରୀଡା ଶିକ୍ଷୟିତ୍ରୀ ନିହାରିକା ପଣ୍ଡାଙ୍କ ସହିତ ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ସେମାନଙ୍କୁ ଶୁଭେଚ୍ଛା ଜଣାଇବା ସହିତ ଧର୍ମଶାଳା ଟାଏକୋଣ୍ଡୋ ଏକାଡେମୀର ମୁଖ୍ୟ ପ୍ରଶିକ୍ଷକ ସମର ସିଂହଙ୍କୁ ଶୁଭେଚ୍ଛା ଜଣାଇଛନ୍ତି । ଆଗାମୀ ଅଗଷ୍ଟ ମାସରେ ହେବାକୁ ଥିବା କଟକ ସ୍ଥିତ ରାଜୀବ ଗାନ୍ଧି ଇଣ୍ଡୋର୍ ହଲରେ ରାଜ୍ୟସ୍ତରୀୟ ଟାଏକୋଣ୍ଡୋ ପ୍ରତିଯୋଗିତାରେ ଅଂଶଗ୍ରହଣ କରିବାକୁ ଏହି ପାଞ୍ଚ ଜଣ ଖେଳାଳିଙ୍କୁ ମନୋନୀତ କରାଯାଇଛି ।
