ଦିଲ୍ଲୀ ବାୟୁ ପ୍ରଦୂଷଣ ପୁଣି ଗମ୍ଭୀର : ଗ୍ରାପ-୩ କଟକଣା ଲାଗୁ

ନୂଆଦିଲ୍ଲୀ : ଦିଲ୍ଲୀର ବାୟୁ ପ୍ରଦୂଷଣ ପୁଣି ଅତି ଗମ୍ଭୀର ହୋଇପଡିଛି । ଏନେଇ ଏନସିଆର ଓ ସଂଲଗ୍ନ ଅଞ୍ଚଳଗୁଡ଼ିକରେ ବାୟୁ ଗୁଣବତ୍ତା ପରିଚାଳନା କମିଶନ ନିର୍ମାଣ ଓ ଭଙ୍ଗା କାର୍ଯ୍ୟକଳାପ ଉପରେ ପ୍ରତିବନ୍ଧକ  ଲଗାଇଛନ୍ତି । କମିଶନ ଦିଲ୍ଲୀ ଓ ଗୁରୁଗ୍ରାମ, ଫରିଦାବାଦ, ଗାଜିଆବାଦ ଏବଂ ଗୌତମ ବୁଦ୍ଧ ନଗର ଜିଲ୍ଲାରେ ବିଏସ-୩ ପେଟ୍ରୋଲ ଓ ବିଏସ-୪ ଚାରି ଚକିଆ ଡିଜେଲ ଗାଡି ଚଳାଇବା ଉପରେ ମଧ୍ୟ ରୋକ ଲଗାଇଛନ୍ତି । ଏହି ପ୍ରତିବନ୍ଧକଗୁଡ଼ିକ ଗ୍ରେଡେଡ୍‌ ରେସପନ୍ସ ଆକ୍ସନ ପ୍ଲାନ୍‌ (ଜିଆରଏପି) ର "ଷ୍ଟେଜ୍‌ ୩’ ଅଧୀନରେ ଆସୁଛି । ବାୟୁ ପ୍ରଦୂଷଣ ହ୍ରାସ କରିବା ପାଇଁ ନିଆଯାଇଥିବା ସ୍ୱଳ୍ପକାଳୀନ ଜରୁରୀକାଳୀନ ପଦକ୍ଷେପର ଏକ ସେଟ୍‌ । ଗ୍ରାପ ପର୍ଯ୍ୟାୟ ୧ ଓ ପର୍ଯ୍ୟାୟ ୨ ଅଧୀନରେ ବିଦ୍ୟମାନ ପ୍ରତିବନ୍ଧକ ଜାରି ରହିବ । ଏହା ସହିତ ଦିଲ୍ଲୀ ଓ ଗୁରୁଗ୍ରାମ, ଫରିଦାବାଦ, ଗାଜିଆବାଦ ଏବଂ ଗୌତମ ବୁଦ୍ଧ ନଗର ଜିଲ୍ଲାରେ ମଧ୍ୟ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ଶ୍ରେଣୀକୁ ହାଇବ୍ରିଡ୍‌ ମୋଡ୍‌କୁ ସ୍ଥାନାନ୍ତରିତ କରାଯାଇଛି ।

        ଶୀତ ଋତୁରେ ଦିଲ୍ଲୀ-ଏନସିଆର ଅଞ୍ଚଳ ଗ୍ରାପ ଅଧୀନରେ ପ୍ରତିବନ୍ଧକ ଲାଗୁ କରାଯାଏ । ଯାହା ବାୟୁ ଗୁଣବତ୍ତାକୁ ଚାରୋଟି ପର୍ଯ୍ୟାୟରେ ବର୍ଗୀକୃତ କରେ ପର୍ଯ୍ୟାୟ୧ (ଖରାପ, ଏକ୍ୟୁଆଇ ୨୦୧-୩୦୦), ପର୍ଯ୍ୟାୟ ୨ (ଅତି ଖରାପ, ଏକ୍ୟୁଆଇ ୩୦୧-୪୦୦), ପର୍ଯ୍ୟାୟ ୩ (ଗମ୍ଭୀର, ଏକ୍ୟୁଆଇ ୪୦୧-୪୫୦), ଏବଂ ପର୍ଯ୍ୟାୟ ୪ (ଗମ୍ଭୀର ପ୍ଲସ୍‌, ଏକ୍ୟୁଆଇ ୪୫୦ ଉପରେ) । ରାଜ୍ୟ ସରକାର ଏନସିଆର ଏବଂ ଜିଏନସିଟିଡିରେ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପିଲାମାନଙ୍କ ପାଇଁ ସ୍କୁଲଗୁଡ଼ିକରେ "ହାଇବ୍ରିଡ୍‌’ ମୋଡ୍‌ ରେ ଅର୍ଥାତ୍‌, ଉଭୟ ଭୌତିକ ଓ ଅନଲାଇନ୍‌ ମୋଡ୍‌ (ଯେଉଁଠାରେ ଅନଲାଇନ୍‌ ମୋଡ୍‌ ସମ୍ଭବ) ଦିଲ୍ଲୀର ଏନସିଟିର କ୍ଷେତ୍ରୀୟ କ୍ଷେତ୍ରାଧିକାର ଓ ଗୁରୁଗ୍ରାମ, ଫରିଦାବାଦ, ଗାଜିଆବାଦ ଏବଂ ଗୌତମ ବୌଦ୍ଧ ନଗର ଜିଲ୍ଲାରେ ଶ୍ରେଣୀ ପରିଚାଳନା କରିବାକୁ ବାଧ୍ୟତାମୂଳକ ଭାବରେ ନିର୍ଦ୍ଦେଶ ଦେଇଛନ୍ତି । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଅନୁଯାୟୀ, ‘ଗମ୍ଭୀର' ବର୍ଗର ବାୟୁ ପ୍ରଦୂଷଣ "ସୁସ୍ଥ ଲୋକଙ୍କୁ ପ୍ରଭାବିତ କରେ ଓ ପୂର୍ବରୁ ରୋଗ ଥିବା ଲୋକଙ୍କୁ ଗମ୍ଭୀର ଭାବରେ ପ୍ରଭାବିତ କରେ ।