ସ୍ପଷ୍ଟ ଦିବାଲୋକରେ ମହିଳାଙ୍କ ବେକରେ ବନ୍ଧୁକ ଲଗାଇ ସୁନା ଚେନ ଲୁଟ
Henamanjaree Swain
ଖୋର୍ଦ୍ଧା - ସ୍ପଷ୍ଟ ଦିବାଲୋକରେ ଦୁଇ ଜଣ ମୁଖା ପିନ୍ଧା ଦୂର୍ବୁତ ମହିଳାଙ୍କ ବେକରେ ବନ୍ଧୁକ ଲଗାଇ ସୁନା ଚେନ ଲୁଟି ନେଇ ଘଟଣାସ୍ଥଳରୁ ଫେରାର ହୋଇଯାଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଂଚଳରେ ।ସୂଚନା ମୁତାବକ ଆଜି ଅପରାହ୍ନରେ ବାଣପୁର କୁମାରାଙ୍ଗ ରୋଡରେ ରହୁଥିବା ଦମ୍ପତି ପବନଦୀପ ସ୍ୱାଇଁ ଓ ବିଷ୍ଣୁପ୍ରିୟା ବରାଡ଼ ଏନଏସି ଆହାର କେନ୍ଦ୍ର ସ୍ଥିତ ଆଧାର କାର୍ଡ ସେଣ୍ଟରକୁ ଯାଇଥିଲେ । ପରେ ଉଭୟେ କଲେଜ ଛକରେ ପରିବା କିଣୁଥିବା ବେଳେ ହଠାତ ଜଣେ ମୁଖା ପିନ୍ଧା ଦୁର୍ବୁତ ବାଇକରେ ଆସି ବିଷ୍ଣୁପ୍ରିୟାଙ୍କ ବେକରୁ ଦୁଇଟି ସୁନା ଚେନ ଓ ଗୋଟିଏ ହାର ଝାମ୍ପିନେଇ ଯାଇଥିଲେ । ବିଷ୍ଣୁପ୍ରିୟା ପ୍ରତିରୋଧ କରିବାରୁ ଦୂର୍ବୁଦ ବନ୍ଧୁକ ଦେଖାଇ ଜୀବନରେ ତାଙ୍କୁ ମାରିଦେବେ ବୋଲି ଧମକ ଦେବା ସହ ଆଖି ପିଛୁଳାକେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ତେବେ ଦୂର୍ବୁଦଙ୍କ ସହ ଆଉ ଜଣେ ସହଯୋଗୀ ମଧ୍ୟ ଥିବା ବିଷ୍ଣୁପ୍ରିୟାଙ୍କ ସ୍ୱାମୀ ପବନଦୀପ କହିଛନ୍ତି ।ଖବର ପାଇ ବାଣପୁର ପୋଲିସ ଘଟଣାସ୍ଥଳରେ ପହଂଚି ତଦନ୍ତ କରୁଥିବା ଜଣାପଡିଛି ।
