ଦେବାଶିଷଙ୍କୁ ଏମିତି କହିଲେ ମୋକିମ୍
Debasish Samantaray
Ramachandi Prasad
।। ପ୍ରଭାନ୍ୟୁଜ ।। କଟକ, ୨୨ା୯: ‘କଂଗ୍ରେସ ସହ ମିଶି ବିଜେଡ଼ି ସରକାର ଗଢ଼ିବ ।’ ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟଙ୍କ ଏହି ମନ୍ତବ୍ୟ ରାଜ୍ୟ ରାଜନୀତିରେ ଆଲୋଡ଼ନ ସୃଷ୍ଟି କରିଛି । ଯାହାକୁ ନେଇ ଆଜି ବରିଷ୍ଠ କଂଗ୍ରେସ ନେତା ମହମ୍ମଦ ମୋକିମ୍ କଡ଼ା ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତିଯେ, ଦେବାଶିଷ ଜଣେ ପ୍ରତ୍ୟାଖ୍ୟାତ ନେତା । ବିଜେଡ଼ିର କ୍ଷମତା ହ୍ୟାଙ୍ଗଓଭର ଯାଇନାହିଁ । କଂଗ୍ରେସ ସହ ମେଣ୍ଟ ନେଇ କହିବାକୁ ତାଙ୍କୁ କିଏ ଅଧିକାର ଦେଲା ? ବିଜେଡ଼ିରେ କେବଳ ନବୀନ ପଟ୍ଟନାୟକ ଓ ଭିକେ ପାଣ୍ଡିଆନ୍ ହିଁ ନିଷ୍ପତ୍ତି ନେବେ ।
ସେପଟେ ଏହାକୁ ନେଇ ବିଜେପି ମଧ୍ୟ ବିଜେଡ଼ିକୁ କଟାକ୍ଷ କରିଛି । ଏହାକୁ ନେଇ ରାଜନୀତି ତେଜୁଥିବାବେଳେ ବିଜେଡ଼ି ଅକଳରେ ପଡ଼ିଯାଇଛି । ତେଣୁ ଆଜି ଏନେଇ ଦେବାଶିଷ ସ୍ପଷ୍ଟୀକରଣ ଦେଇଛନ୍ତି । ସେ କହିଛନ୍ତିଯେ, ଏହା ମୋର ବ୍ୟକ୍ତିଗତ ମତ । ରାଜନୀତିରେ ସବୁ ସମ୍ଭବ । ତେବେ ମେଣ୍ଟ ହେବ କି ନାହିଁ ସେ ନିଷ୍ପତ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ ନେବେ ବୋଲି କହିଛନ୍ତି ଦେବାଶିଷ ସାମନ୍ତରାୟ ।
