ମୁଖ୍ୟମନ୍ତ୍ରୀ ହେବେ କି ଧର୍ମେନ୍ଦ୍ର ? ରବିବାର ହେବ ଫାଇନାଲ
Dharmendra Pradhan
Rasmita Behera
ଭୁବନେଶ୍ୱର : ଓଡ଼ିଶା ମୁଖ୍ୟମନ୍ତ୍ରୀ ରେସରେ ସବୁଠାରୁ ଆଗରେ ରହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ତେବେ ଧର୍ମେନ୍ଦ୍ର ମୁଖ୍ୟମନ୍ତ୍ରୀ ହେବେକି ନାହିଁ ଆସନ୍ତାକାଲି ସ୍ପଷ୍ଟ ହୋଇଯିବ । ୧୦ରେ ବିଜେପି ବିଧାୟକ ଦଳ ବୈଠକ ବସିବାର ଥିବାବେଳେ ଆସନ୍ତାକାଲି ନରେନ୍ଦ୍ର ମୋଦି ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେବେ । ମୋଦିଙ୍କ ସହ ଅନେକ ହେଭିୱେଟ ନେତା କେନ୍ଦ୍ରମନ୍ତ୍ରୀ ଭାବେ ବି ଶପଥ ନେବେ । ଯଦି ଧର୍ମେନ୍ଦ୍ର ପ୍ରଧାନ ପୁଣିଥରେ କେନ୍ଦ୍ର କ୍ୟାବିନେଟରେ ସାମିଲ ହୁଅନ୍ତି ତେବେ ସେ ମୁଖ୍ୟମନ୍ତ୍ରୀ ହେବେନାହିଁ ବୋଲି ସ୍ପଷ୍ଟ ହୋଇଯିବ । କିନ୍ତୁ ଧର୍ମେନ୍ଦ୍ରଙ୍କୁ କ୍ୟାବିନେଟ ମନ୍ତ୍ରୀ କରାନଗଲେ ସେ ହିଁ ମୁଖ୍ୟମନ୍ତ୍ରୀ ହେବେବୋଲି ଧରି ନିଆଯିବ । ତେଣୁ ଆସନ୍ତାକାଲି ଅପରାହ୍ନରେ ଚିତ୍ର ସ୍ପଷ୍ଟ ହୋଇପାରିବ ।
ସୂଚନାଯୋଗ୍ୟଯେ, ୨୦୦୦ରେ ଧର୍ମେନ୍ଦ୍ର ପ୍ରଧାନ ବିଧାୟକ ହୋଇଥିଲେ । ସେତେବେଳେ ଶ୍ରେଷ୍ଠ ବିଧାୟକ ବି ହୋଇପାରିଥିଲେ । ୨୦୦୪ରେ ସେ ଲୋକସଭା ସାଂସଦ ହୋଇଥିଲେ । ପରେ ବିହାର ଓ ମଧ୍ୟପ୍ରଦେଶରୁ ମଧ୍ୟ ସେ ରାଜ୍ୟସଭାକୁ ଯାଇଛନ୍ତି । ଏଥର ବି ସେ ସାଂସଦ ଭାବେ ନିର୍ବାଚିତ ହୋଇଛନ୍ତି । ମୋଦିଙ୍କ ସରକାରରେ ତାଙ୍କର ବେଶ ପତିଆରା ରହିଛି । ମୋଦି ଓ ଅମିତ ଶାହାଙ୍କ ଘନିଷ୍ଠ ଭାବେ ସେ ଜଣାଶୁଣା । ଏବେ ବିଜେପିର ମାତ୍ର ୭୮ ବିଧାୟକ ଥିବାରୁ ରାଜନୈତିକସ୍ତରରେ ସଶକ୍ତ ବ୍ୟକ୍ତିଙ୍କର ଆବଶ୍ୟକତା ରହିଛି ।
