‘ଇସ୍କନ’କୁ ଆଉ ଛାଡ଼ିବାନି : ଗଜପତି ମହାରାଜା
ISKON
Ramachandi Prasad
4904
ଭୁବନେଶ୍ୱର : ୧୯୬୭ରୁ ଇସ୍କନ ମନଇଚ୍ଛା ରଥଯାତ୍ରା ଆୟୋଜନ କରି ଆସୁଛନ୍ତି । ଓଡ଼ିଆମାନଙ୍କର ଧୈର୍ଯ୍ୟ ଅଛି ବୋଲି ସେମାନେ ଚୁପ୍ ରହିଛନ୍ତି । ଅନ୍ୟ ଧର୍ମରେ ହୋଇଥିଲେ କେହି ଛାଡ଼ିନଥା’ନ୍ତେ । ଏଥର ଆମେ ଆଉ ଛାଡ଼ିବାନି । ବହୁତ ହୋଇଗଲା । ଏମିତି ଭାବେ ଗଜପତି ମହାରାଜା ଦିବ୍ୟସିଂହ ଦେବ ଚେତାବନୀ ଦେଇଛନ୍ତି । ଚିଠି ଲେଖିବା ସତ୍ତେ୍ୱ ଇସ୍କନ ନମାନି ରଥଯାତ୍ରା କରୁଛି । ଏହା ଶ୍ରୀମନ୍ଦିର ପରମ୍ପରାର ଉଲ୍ଲଂଘନ । ବାରମ୍ବାର କହିବା ପରେ ୨୦୨୨ରେ ଭାରତରେ ଏମିତି ଅଦିନିଆ ରଥଯାତ୍ରା କରାଯାଉନାହିଁ । ଅପରପକ୍ଷରେ ମହାରାଜାଙ୍କ ଏଭଳି ଚେତାବନୀକୁ ବିଭିନ୍ନ ମହଲରେ ସ୍ୱାଗତ କରାଯାଇଛି ।
ଆଇନ୍ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ କହିଛନ୍ତିଯେ, ଜଗନ୍ନାଥ ପରମ୍ପରା ରକ୍ଷା କରିବା ଆମର ଦାୟିତ୍ୱ । ଶ୍ରୀମନ୍ଦିର ପ୍ରଶାସନ ଯାହା ନିଷ୍ପତ୍ତି ନେବ ଆମେ ତାହାକୁ ଗ୍ରହଣ କରିବୁ । ଅଦିନିଆ ରଥ ଶ୍ରୀମନ୍ଦିର ପରମ୍ପରାର ଉଲ୍ଳଂଘନ ବୋଲି ସେ କହିଛନ୍ତି ।
