ଜାନୁଆରୀରେ ବିଜେପିର ନୂଆ ସଭାପତି
Odisha BJP
Ramachandi Prasad
5416
ଭୁବନେଶ୍ୱର : ଜାନୁଆରୀରେ ବିଜେପିର ନୂଆ ସଭାପତି ନିର୍ବାଚନ ହେବ । ଯେଉଁଥିପାଇଁ ବିଜେପି ଏବେ ଚଳଚଞ୍ଚଳ ହୋଇଯାଇଛି । କିଏ ସଭାପତି ହେବେ ତାହାକୁ ନେଇ ଅଙ୍କକଷା ଆରମ୍ଭ ହୋଇଯାଇଛି । ଏବେ ମନମୋହନ ସାମଲ ବିଜେପି ସଭାପତି ଅଛନ୍ତି । ୨୦୨୩ ମାର୍ଚ୍ଚ ୨୪ରେ ମନମୋହନଙ୍କୁ ସଭାପତି ଭାବେ ନିଯୁକ୍ତି ଦିଆଯାଇଥିଲା । ସେ ବିଜେପି ପାଇଁ ଲକି ସଭାପତି । କାହିଁକିନା ୨୦୦୦ ଓ ୨୦୦୪ରେ ବିଜେଡ଼ି-ବିଜେପି ମେଣ୍ଟ ସରକାର କ୍ଷମତାକୁ ଆସିଥିବାବେଳେ ମନମୋହନ ହିଁ ବିଜେପି ସଭାପତି ଥିଲେ । କିନ୍ତୁ ଏବେ ଦଳ କ୍ଷମତାକୁ ଆସିଥିବାରୁ ସଭାପତି ପଦକୁ ନେଇ ଦାବିଦାରଙ୍କ ସଂଖ୍ୟା ବଢ଼ିଛି । କାହିଁକିନା କ୍ଷମତାସୀନ ଦଳର ସଭାପତି ବେଶ୍ କ୍ଷମତା ଉପଭୋଗ କରିପାରିବେ । ଆଜି ଓଡ଼ିଶା ଗସ୍ତରେ ଆସିଥିବା ଦଳର ପ୍ରଭାରୀ ବିଜୟ ପାଲ ସିଂ ତୋମାର ଏହି ସୂଚନା ଦେଇଛନ୍ତି ।
