ଆଗରେ ବିଜେପିର ହେଭିୱେଟ ନେତା
Vote Counting, ELection results, Odisha, India, Vidhansabha, Loksabha
Rasmita Behera
ଭୁବନେଶ୍ୱର : ବିଜେପିର ହେଭିୱେଟ ନେତାମାନେ ପ୍ରାରମ୍ଭିକ ଟ୍ରେଣ୍ଡରେ ଆଗୁଆ ରହିଛନ୍ତି । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସମ୍ବଲପୁରର ଆଗରେ ରହିଛନ୍ତି । ଯେତେବେଳେକି ଭୁବନେଶ୍ୱରରେ ଅପରାଜିତା ଷଡ଼ଙ୍ଗୀ, ପୁରୀରେ ସମ୍ବିତ ପାତ୍ର, କେନ୍ଦ୍ରାପଡ଼ାରେ ବୈଜୟନ୍ତ ପଣ୍ଡା ଆଗରେ ରହିଛନ୍ତି । ଅପରପକ୍ଷରେ କେନ୍ଦୁଝରରେ ଅନନ୍ତ ନାୟକ ଆଗରେ ଥିବାବେଳେ ବରଗଡ଼ରେ ପ୍ରଦୀପ ପୁରୋହିତ ମଧ୍ୟ ଆଗରେ ଅଛନ୍ତି । ବିଜେପିର ଏଭଳି ପ୍ରଦର୍ଶନ ଏବେ ବିଜେଡ଼ି ଶିବିରରେ ନିରାଶ ଖେଳାଇ ଦେଇଛି । ତେବେ ଏବେ ପ୍ରାରମ୍ଭିକ ଟ୍ରେଣ୍ଡ ଚାଲିଥିବାରୁ ଦିନ ୧ଟା ବେଳକୁ ହିଁ ପ୍ରକୃତ ଟ୍ରେଣ୍ଡ ଆସିପାରିବ ବୋଲି ଆଶା କରାଯାଉଛି ।
ଓଡ଼ିଶାରେ ଏଯାବତ ଇସିଆଇଙ୍କ ପକ୍ଷରୁ ମିଳିଥିବା ସୂଚନା ଅନୁଯାୟୀ ବିଜେପି ଆଗରେ ରହିଛି । ବିଜେପି ୧୩ ଆସନରେ ଆଗୁଆ ଥିବାବେଳେ ବିଜେଡ଼ି ୬ ଓ ସ୍ୱାଧୀନ ଗୋଟିଏ ସ୍ଥାନରେ ଆଗରେ ରହିଛି । ସେହିପରି ଲୋକସଭାରେ ବିଜେପି ୮ ଆସନରେ ଆଗୁଆ ଥିବାବେଳେ ବିଜେଡ଼ି ୨ ଆସନରେ ଆଗୁଆ ରହିଛି । ଯେତେବେଳେକି କଂଗ୍ରେସ ଗୋଟିଏ ଆସନରେ ଆଗରେ ଅଛି ।
