ଯୁବକକୁ ପିଟିପିଟି ହତ୍ୟା, ୩ ଗିରଫ
Rasmita Behera
ାା ପ୍ରଭାନୁ୍ୟଜ୍ ।ା ସମ୍ବଲପୁର: ସମ୍ବଲପୁର ଟାଉନ ଥାନା ଅନ୍ତର୍ଗତ ଠେଲକୋପଡାରେ ଏକ ଯୁବକକୁ ସ୍ପଷ୍ଟ ଦିବାଲୋକ ଓ ବିଚ୍ ରାସ୍ତାରେ ପିଟିପିଟି ହତ୍ୟା ଅଭିଯୋଗରେ ପୋଲିସ ୩ଜଣଙ୍କୁ ଗିରଫ କରିଛି । ଅନ୍ୟ ଏକ ଅଭିଯୁକ୍ତ ଫେରାର ଥିବା ଜଣାପଡିଛି ।
ଗିରଫ ଅଭିଯୁକ୍ତମାନେ ସାକ୍ଷୀପଡାର ଅମନ ବେହେରା ଓ ତାଙ୍କ ସମ୍ପର୍କୀୟ କାକା ବୋଲି ଜଣାପଡିଛି । ଏମାନଙ୍କୁ ସୋମବାର କୋର୍ଟ ଚାଲାଣ କରାଯିବ ବୋଲି ସଦର ଏସ୍ଡିପିଓ ତୋଫାନ ବାଗ କହିଛନ୍ତି । ସୂଚନାଯୋଗ୍ୟ, ସାକ୍ଷୀପଡାର ଅମନ ବେହେରାଙ୍କ ବଡ ଭାଇ ଚମନ ବେହେରାଙ୍କ ସହ ଠେଲକୋପଡାର ସନ୍ନି ଷଣ୍ଢ(୩୩)ଙ୍କ କୌଣସି କଥାକୁ ନେଇ ଗତ ୯ତାରିଖ ସକାଳେ ଝଗଡା ହୋଇଥିଲା । ସନ୍ନି ରାଗିଯାଇ ତାଙ୍କୁ ଛୁରୀରେ ଆକ୍ରମଣ କରିଥିଲା । ଏହା ଜଣାପଡିବା ପରେ ତାଙ୍କ ଭାଇ ଅମନ ଓ ଅନ୍ୟମାନେ ସନ୍ନିଙ୍କ ଘରକୁ ଆସିଥିଲେ । ସେଠାରେ ଉଭୟ ପରିବାର ମଧ୍ୟରେ ଝଗଡା ହୋଇଥିଲା । ପରେ ସନ୍ନିକୁ ସଂଘବଦ୍ଧ ଭାବେ ଆକ୍ରମଣ କରାଯିବା ସହ ଗୋଡାଇ ଗୋଡାଇ ରାସ୍ତା ଉପରେ କାଠ ଫାଳିଆରେ ପିଟିପିଟି ହତ୍ୟା କରିଥିଲେଫ ମୃତକ ଜଣେ ପେସାଗତ ଅପରାଧି ବୋଲି ପୋଲିସ କହିଛି । ଏନେଇ ଟାଉନ ଥାନାରେ୪୬୯/୨୪ରେ ଏକ ମାମଲା ରୁଜୁ ହୋଇଥିବା ବେଳେ ଅଭିଯୁକ୍ତ ମାନଙ୍କୁ ଗିରଫ କରାଯାଇଛି ।
