ଘରୁ ସୁନାରୁପା ଅଳଙ୍କାର ଚୋରି, ୪ ଗିରଫ
Rasmita Behera
ାା ପ୍ରଭାନୁ୍ୟଜ୍ ।ା ସମ୍ବଲପୁର: ସମ୍ବଲପୁର ଅଇଁଠାପାଲି ଥାନା ଅନ୍ତର୍ଗତ ଦେହେରିପାଲିର ଜଣକ ଘରୁ ସୁନାରୂପା ଅଳଙ୍କାର ଚୋରି ଅଭିଯୋଗରେ ପୁଲିସ ୪ଜଣଙ୍କୁ ଗିରଫ କରିଛି । ଏଥିସହ ୨ଜଣ ନାବାଳିକାଙ୍କୁ ସ୍ୱଧାରଗୃହକୁ ପଠାଇ ଦିଆଯାଇଛି । ଗିରଫ ଅଭିଯୁକ୍ତମାନଙ୍କ ଠାରୁ ସମସ୍ତ ଚୋରି ସାମଗ୍ରୀ ଜବତ ହୋଇଛି । ସୂଚନାଯୋଗ୍ୟ, ଦେହେରିପାଲିର ଭଡାଘରେ ରହୁଥିବା ଇଞ୍ଜିନିୟର ଜ୍ୟୋତି ପ୍ରକାଶ ମହାନ୍ତି ଘରୁ ଅଫିସ ଅଭିମୁଖେ ବାହାରିଥିଲେ । ତାଙ୍କ ସ୍ତ୍ରୀ ଛାତ ଉପରକୁ କପଡା ଶୁଖାଇବାକୁ ଯାଇଥିଲେ । ଏହାର ସୁଯୋଗ ନେଇ କିଛି ବଞ୍ଜାରା ଭିକ ମାଗିବା ଆଳରେ ଘରେ ପଶି ତାଙ୍କ ଆଲମାରୀରୁ ସୁନା, ରୂପା ଅଳଙ୍କାର ଓ ଟଙ୍କା ନେଇ ଫେରାର ହୋଇଯାଇଥିଲେ । ତେବେ କପଡା ଶୁଖାଇ ଘରକୁ ଆସିବା କ୍ଷଣି ଆଲମାରୀ ଖୋଲାଥିବା ଦେଖି ପାଟି କରିଥିଲେ । ତାଙ୍କ ପାଟି ଶୁଣି ସ୍ଥାନୀୟ ଲୋକେ ଭିକାରୀ ବେଶରେ ଆସିଥିବା ୨ଜଣ ମହିଳା ଓ ଛୁଆଙ୍କୁ ଧରିବାରେ ସକ୍ଷମ ହୋଇଥିଲେ । ଅଭିଯୋଗ ପରେ ପୋଲିସ ଏକ ମାମଲା ରୁଜୁ କରିବା ସହ ଏହାର ତଦନ୍ତ କରିଥିଲା । ତଦନ୍ତ ବେଳେ ରାଉଲକେଲାରୁ ନବୀନ ଖେରୁଆଲଙ୍କ ସହ ତାଙ୍କ ୨ପତ୍ନୀ ସୁଧା ଖେରୁଆଲ ଓ ଅଞ୍ଜୁ ଖେରୁଆଲ ଏବଂ ପରମାର ଖେରୁଆଲଙ୍କୁ ଗିରଫ କରିଛି ।
