୨୦ ମାଓବାଦୀ ଗିରଫ

May 18, 2025 - 11:26

4282

ହାଇଦ୍ରାବାଦ: ତେଲେଙ୍ଗାନାର ମୁଲୁଗୁ ଜିଲ୍ଲାରେ ଆଜି ୨୦ ମାଓବାଦୀଙ୍କୁ ଗିରଫ କରାଯିବା ସହ ବିପୁଳ ଅସ୍ତ୍ରଶସ୍ତ୍ର ଜବତ କରାଯାଇଛି । ଗିରଫ ମାଓବାଦୀଙ୍କ ମଧ୍ୟରେ ଜଣେ ଡିଭିଜନ କମିଟି ମେମ୍ବର ଓ ୫ ଏରିଆ କମିଟି ମେମ୍ବର ଅଛନ୍ତି । ଗତ ଦୁଇଦିନ ମଧ୍ୟରେ ସେମାନଙ୍କୁ ଗିରଫ କରାଯାଇଛି । ଭେଙ୍କଟପୁରମ୍, ୱାଜିଦୁ ଓ କନାଗଇଗୁଡ଼େମ ଠାରେ ସର୍ଚ୍ଚ ଅପରେସନ୍ ଓ ଗାଡ଼ି ଚେକିଂ ବେଳେ ପୁଲିସ୍ ସେମାନଙ୍କୁ ଗିରଫ କରିବାରେ ସମର୍ଥ ହୋଇଛି । ନିକଟରେ ସିଆରପିଏଫ ଓ ଛତିଶଗଡ଼ ପୁଲିସ୍ ବଡ଼ ଧରଣର ଅପରେସନ୍ କରି ବହୁ ମାଓବାଦୀଙ୍କୁ ହତ୍ୟା କରିବାରେ ସଫଳ ହୋଇଛି । ତେବେ କେରେଗୁଟ୍ଟାରେ ଆଶ୍ରୟ ନେଇଥିବା କିଛି ମାଓବାଦୀ ଲୁଚାଛପାରେ ପଳାଇଯିବାକୁ ଯୋଜନା କରିଥିଲେ । ଏହି ସୂଚନା ପାଇବା ପରେ ରୋଡ଼୍ ବ୍ଳକ କରି ଜୋରଦାର ଚେକିଂ କରାଯାଇଥିଲା । ଗିରଫ ମାଓବାଦୀମାନେ ଆମ୍ବୁସ କରି ଅନେକ ପୁଲିସ୍ ଓ ଯବାନଙ୍କୁ ହତ୍ୟା କରିଥିବା ଜଣାପଡ଼ିଛି ।