ଗୋମାଂସ ବୋଝେଇ ଗାଡ଼ି ଜବତ, ଦୁଇ ଗିରଫ
Rasmita Behera
ାା ପ୍ରଭାନୁ୍ୟଜ ।ା ସାଲେପୁର: ଏକ ଗୋମାଂସ ବୋଝେଇ ଗାଡିକୁ ଲୋକେ ଅଟକ ରଖି ପୁଲିସର ଜିମା ଦେଇଥିବାବେଳେ ୨ଗୋମାଂସ ଚାଲାଣକାରୀଙ୍କୁ ଗିରଫ କରି ପୁଲିସ କୋର୍ଟଚାଲାଣ କରିଥିବା ଜଣାଯାଇଛି । ଖବରରୁ ପ୍ରକାଶ ଯେ, ଗତକାଲି ରାତି ପ୍ରାୟ ୧୧ଟା ସମୟରେ କଟକ-ସାଲେପୁର ରାସ୍ତାର ସପନପୁର ପେଟ୍ରୋଲ ଟାଙ୍କି ପାଖରେ ଏକ ଅଶୋକ ଲିଏଲାଣ୍ଡ୍ ଗାଡ଼ି ନଂ-ଓ.ଡି.୨୯କେ.୩୪୦୬ରେ ଗୋମାଂସ ଚାଲାଣ ହେଉଥିବାର ସ୍ଥାନୀୟ ଅଞ୍ଚଳର କେତେକ ଲୋକ ଦେଖି ଗାଡ଼ିଟିକୁ ଅଟକ ରଖିବାବେଳେ ଡ୍ରାଇଭର ଘଟଣାସ୍ଥଳରୁ ଖସି ପଳାଇଯାଇଥିଲେ । ଏହା ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇବା ସହ ଲୋକମାନେ ଗାଡ଼ିଟିକୁ ଜବତ କରି ପୁଲିସ ଜିମା ଦେଇଥିଲେ । ସାଲେପୁର ପୁଲିସ ଗାଡ଼ିଟିକୁ ଜବତ କରି ଏକ ମାମଲା ରୁଜୁ କରିବା ସହିତ ବେଆଇନ୍ ଭାବେ ଗୋମାଂସ ଚାଲାଣ କରୁଥିବା ଅଭିଯୋଗରେ ପଟ୍ଟାମୁଣ୍ଡାଇ ଥାନା ଅଞ୍ଚଳର ଧାରସିଂହ ଗ୍ରାମର ପରଦେଶୀ ଖାନ୍ ଓ ସେକ୍ ଅଲିମ୍ଙ୍କୁ ଗିରଫ କରିଛି । ଗାଡ଼ିରେ ଥିବା ଗୋମାଂସକୁ ସ୍ଥାନୀୟ ନଦୀ ପଠାରେ ଜେସିବି ସାହାଯ୍ୟରେ ପୁଲିସ ପୋତି ଦେଇଥିବା ଜଣାଯାଇଛି । ସାଲେପୁର ଅଞ୍ଚଳ ଦେଇ ବାରମ୍ବାର ବେଆଇନ୍ ଭାବେ ଗୋମାଂସ ଚାଲାଣ ହେଉଥିବା ଘଟଣା ସାମ୍ନାକୁ ଆସିବା ଓ ଆସାମୀକୁ ଗିରଫ କରିବା ପରେ ମଧ୍ୟ ଏହି ଅଞ୍ଚଳରେ ନିୟମିତ ବ୍ୟବଧାନରେ ଗୋମାଂସ ଚାଲାଣ କରାଯାଉଥିବାରୁ ସ୍ଥାନୀୟ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି । ଏହି ଅଞ୍ଚଳର ଦେଇ ନିୟମିତ ଗୋମାଂସ ଚାଲାଣ କରୁଥିବା ବ୍ୟବସାୟୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ସ୍ଥାନୀୟ ଅଞ୍ଚଳବାସୀଙ୍କ ପକ୍ଷରୁ ଦାବି ହୋଇଛି ।
