କେନ୍ଦ୍ରାଞ୍ଚଳ ଅବକାରୀ ବିଭାଗର ଚଢ଼ାଉ ସ୍କୁଟି ସହ ଦେଶୀମଦ ଜବତ, ୫ ଗିରଫ
Rasmita Behera
ସୋର: କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ, କଟକ, ୟୁନିଟ -୨ ତରଫରୁ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ସ୍କୁଟି ସହ ଦେଶୀମଦ ଜବତ କରିଥିବା ବେଳେ ପାଞ୍ଚ ଜଣକୁ ଗିରଫ କରି କୋର୍ଟ ·ଲାଣ କରାଯାଇଛି । କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗର ଡେପୁଟି କମିଶନର ରାମଚନ୍ଦ୍ର ମିଶ୍ରଙ୍କ ନିର୍ଦେଶ କ୍ରମେ ଡେପୁଟି ସୁପରିଟେଣ୍ଡେଣ୍ଟ ଅଳକା ସୁନାଙ୍କ ତତ୍ୱାବଧାନରେ ଆଇଆଇସି ଧିରେନ ବେହେରାଙ୍କ ନେତୃତ୍ୱରେ ଏକ ଟିମ ଆଜି ସକାଳେ ଅଞ୍ଜି ଛକ ନିକଟରେ ପେଟ୍ରୋଲିଙ୍ଗ କରୁଥିବା ବେଳେ ଗୋପାଳପୁରରୁ ଅଞ୍ଜି ଅଭିମୁଖେ ଆସୁଥିବା ଓଡି ୨୨ଆର ୮୩୯୧ ନମ୍ବର ବିଶିଷ୍ଟ ସ୍କୁଟିକୁ ଅଟକାଇ ଯାଞ୍ଚ କରିଥିଲେ । ଯାଞ୍ଚ ପରେ ସେଥିରେ ଏକ ଅଖାରେ ୩୫ ଲିଟର ଦେଶୀମଦ ·ଲାଣ ହେଉଥିବା ଜାଣିପାରି ସ୍କୁଟି ସହ ମଦକୁ ଜବତ କରି ଅଞ୍ଜି ଗ୍ରାମର ମନରଞ୍ଜନ ନାୟକକୁ ଗିରଫ କରିଥିଲେ । ସେହିପରି ଚିତ୍ତଳ ଗ୍ରାମର ଧିରେନ ମହାରଣା ନିକଟରୁ ୧୫ ଲିଟର, ସେହି ଗ୍ରାମର ଦିବାକର ମହାରଣା ନିକଟରୁ ୨୦ ଲିଟର ଦେଶୀମଦ, ଚମ୍ପୁ ଗ୍ରାମର କୈଳାସ ସାହୁ ନିକଟରୁ ୨୦ ଲିଟର ଏବଂ ଔପଦା ଥାନା ଜୋକ ଗଡିଆ ଗ୍ରାମର ବସନ୍ତ କୁମାର ସେଠୀ ନିକଟରୁ ୩୦ ଲିଟର ଦେଶୀମଦ ଜବତ କରି ସମସ୍ତଙ୍କୁ ଗିରଫ କରିଥିଲେ । ଅପରାହ୍ଣରେ ସୋର ମେଡ଼ିକାଲରେ ସମସ୍ତଙ୍କର ଡାକ୍ତରୀ ମାଇନା ପରେ ସମସ୍ତଙ୍କୁ କୋର୍ଟ ·ଲାଣ କରାଯାଇଛି । ଏହି ଚଢ଼ାଉରେ ଏସଆଇ ଦିବ୍ୟଜ୍ୟୋତି ସତ୍ୟପ୍ରକାଶ, ଏଏସଆଇ ଥବୀର ପଟ୍ଟନାୟକ, କିଶୋର ରାଉତ, ଗୋଖେନ୍ଦ୍ର ପରିଡା, କନେଷ୍ଟବଳ ରାଜେଶ କିଷାନ, ବସନ୍ତ ମଲ୍ଲିକ, ସୁମିତ୍ରା ସାମଲ ଓ ଜଗନ୍ନାଥ ନାୟକ ପ୍ରମୁଖ ସାମିଲ ହୋଇଥିଲେ ।
