ମଦ ଦୋକାନରେ ଭଙ୍ଗାରୁଜା ଘଟଣାରେ ୪ ଗିରଫ
Rasmita Behera
ାା ପ୍ରଭାନୁ୍ୟଜ ।ା ବ୍ୟାସନଗର: ମଦ ଦୋକାନ ଭଙ୍ଗାରୁଜା ଘଟଣାରେ ୪ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । କୋର୍ଟ ଚାଲାଣ ହୋଇଥିବା ଅଭିଯୁକ୍ତ ଦାନଗଦୀ ବ୍ଲକ ସୁଅାଁଳ ଗ୍ରାମର ସ୍ୱର୍ଗତ ନାଥ ମଣ୍ଡାଙ୍କ ପୁଅ ବିର୍ସା(୩୪), ସ୍ୱର୍ଗତ ବୁଦୁ ମୁଣ୍ଡାଙ୍କ ପୁଅ ବାଲାଇ(୨୨), ଲକ୍ଷ୍ମଣ ମୁଣ୍ଡାଙ୍କ ପୁଅ ରାଣିଅାଁ(୨୫) ଓ ସ୍ୱର୍ଗତ ଗୋଲଖ ମୁଣ୍ଡାଙ୍କ ପୁଅ ମଙ୍ଗୁଳିଆ(୨୨) ହୋଇଥିବା ବେଳେ ଏମାନଙ୍କ ସହ ୨୦ରୁ ଅଧିକ ଦାନଗଦୀ ଫାଣ୍ଡି ଅନ୍ତର୍ଗତ ମାନପୁର ସୁଅାଁଳ ଠାରେ ଥିବା ପ୍ରଶାନ୍ତ ପରିଡ଼ାଙ୍କ ମଦ ଦୋକାନରେ ପସି ଭଙ୍ଗାରୁଜା କରିଲେ । ଅଭିଯୋଗ ପରେ ପୁଲିସ ୫୬୪/୨୪ରେ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ବେଳେ ଗଲାକାଲି ରାତିରେ ଉପରୋକ୍ତ ଅଭିଯୁକ୍ତକୁ ଗିରଫ କରିଥିଲା । ଦଫା ୩୩୩/୩୨୪(୫), /୧୧୫(୨)/୩୦୫/୩୫୧(୩)/୩(୫) ବିଏନଏସରେ କୋର୍ଟ ଚାଲାଣ କରିଛି ପୁଲିସ । ସୂଚନା ଥାଉକି ଗତ ରବିବାର ସନ୍ଧ୍ୟା ୫ଘଟିକା ସମୟରେ ସୁଅାଁଳ ୪ଜଣ ଯୁବକ ଦୋକାନରେ ପହଁଚି ୪ବୋତଲ ମଦ ମାଗିଥିଲେ । କର୍ମଚାରୀ ସେମାନଙ୍କୁ ମଦ ବଢାଇବା ପରେ ଯୁବକ ୨ଟିର ପଇସା ଦେଇ ପଳାଉଥିବା ବେଳେ ଯୁକ୍ତିତର୍କ ହୋଇଥିଲା । ମାତ୍ର ଘଣ୍ଟାଏ ପରେ ୪ଜଣ ଯୁବକ ସହ ୨୦ରୁ ଅଧିକ ବିଭିନ୍ନ ମାରଣାସ୍ତ୍ର ଧରି ଦୋକାନ ନିକଟରେ ପହଁଚି ଭଙ୍ଗାରୁଜା କରିଥିଲେ । ଗ୍ରୀଲ ତାଢିବା ପରେ ଦୋକାନ ଭିତରେ ପସି ମହଜୁଦ ଥିବା ଲକ୍ଷାଧିକ ମଦକୁ ପିଟି ଭାଙ୍ଗି ଦେଇଥିଲେ । ଅଭିଯୁକ୍ତ ସିସିଟିଭି କ୍ୟାମେରା, ହାର୍ଡ଼ଡ଼ିସି, ମନିଟର, ଟିଭି, ଡ଼ିଭିଆର, ଏସି, କମ୍ପୁଟର, ଡ଼ିସଫ୍ରିଜ୍, ମୋବାଇଲ ଭାଙ୍ଗି କର୍ମଚାରୀଙ୍କୁ ପିଟିଥିଲେ ।
