ସିଇଓଙ୍କୁ ଫେରାଦ ହେଲା ବିଜେଡି
Rasmita Behera
4254
ଭୁବନେଶ୍ବର: ଆଜି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଫେରାଦ ହୋଇଛି ବିଜେଡି । ମହାନଦୀ କୋଲ୍ ଫିଲଡ୍ସ ଲିମିଟେଡର ଜେନେରାଲ ମ୍ୟାନେଜରଙ୍କ ବ୍ୟକ୍ତିଗତ ସହାୟକ ବୈଦ୍ୟନାଥ ସାହୁ ନିର୍ବାଚନ ଆଚରଣ ବିଧି ଓ ସର୍ଭିସ ରୁଲ ଉଲ୍ଲଂଘନ କରିଥିବା ବିଜେଡି ଅଭିଯୋଗ କରିଛି ।
ସେ ଏକ ଘରୋଇ ୱେବ ଚ୍ୟାନେଲକୁ ବିଜେଡି ସମ୍ବଲପୁର ସାଂସଦ ପ୍ରାର୍ଥୀ ପ୍ରଣବ ପ୍ରକାଶ ଦାସଙ୍କ ବିରୋଧରେ ସାକ୍ଷାତକାର ଦେଇଛନ୍ତି । ମହାନଦୀ କୋଲ୍ ଫିଲଡ୍ସ ଲିମିଟେଡ କେନ୍ଦ୍ର ସରକାରଙ୍କ ଅଧୀନରେ ରହିଛି । କୌଣସି ସରକାରୀ କର୍ମଚାରୀ ନିର୍ବାଚନ ନେଇ ଟିପ୍ପଣୀ ଦେବା ଆଚରଣ ବିଧିର ଉଲ୍ଲଂଘନ । ସମସ୍ତେ ନିଜ ଲକ୍ଷ୍ମଣରେଖା ମଧ୍ୟରେ ରହନ୍ତୁ । ଏହି ଘଟଣାରେ ତ୍ୱରିତ ଓ ଦୃଷ୍ଟାନ୍ତମୂଳକ କାର୍ୟ୍ୟାନୁଷ୍ଠାନ ପାଇଁ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଦାବି କରିଛି ବିଜେଡି । କାରଣ ଆସନ୍ତାକାଲି ରାଜ୍ୟରେ ପ୍ରଥମ ପର୍ୟ୍ୟାୟ ନିର୍ବାଚନ ହେବାକୁ ଯାଉଛି ।
