ଯୌତୁକ ନିର୍ଯାତନା ନେଇ ଥାନାରେ ମାମଲା
Rasmita Behera
ହିଞ୍ଜିଳିକାଟୁ: ବାହାଘରର ପ୍ରାୟ ୧୭ ମାସ ପରେ ଯୈାତୁକ ବାବଦକୁ ଏକ ବାସଗୃହ ଦେବାକୁ ଦାବି କରି ବୋହୁଙ୍କୁ ଶାଶୁଘର ଲୋକେ ଶାରୀରିକ ଓ ମାନସିକ ନିର୍ଯାତନା ଦେଉଥିବା ନେଇ ହିଞ୍ଜିଳି ଥାନାରେ ଅଭିଯୋଗ ହୋଇଛି । ପୁଲିସ ସୂଚନା ପ୍ରକାରେ, ହିଞ୍ଜିଳିକାଟୁ ପୈାରାଞ୍ଚଳ ତଥା ହିଞ୍ଜିଳି ଥାନା ନୂଆଁଗଡ ଗ୍ରାମର ରମେଶ ଗୌଡଙ୍କ ପୁଅ ସମିର ଗୌଡଙ୍କ ସହ କବିସୂର୍ଯ୍ୟନଗର ଥାନା ଆଠଗଡପାଟଣା ଇ.ବିବିପୁର ଗ୍ରାମର ଜୟସେନ ଗୌଡଙ୍କ ଝିଅ ଅର୍ଚ୍ଚନା ଗୌଡଙ୍କ ସହ ଗତ ଜୁଲାଇ ୨୦୨୩ରେ ବାହାଘର ହୋଇଥିଲା । ବାହାଘର ସମୟରେ ବରଘର ଦାବି ମୁତାବକ ସୁନା ଚେନ୍, ୨ଟି ସୁନା ମୁଦି, ୧ ଲକ୍ଷ ଟଙ୍କା ସମେତ ଅନ୍ୟାନ୍ୟ ଘରକରଣା ସାମଗ୍ରୀ ପ୍ରଦାନ କରାଯାଇଥିଲା । ବାହାଘରର କିଛି ମାସ ପରେ ଯୈାତୁକ ବାବଦକୁ ଏକ ବାସଗୃହ ଦେବାକୁ ସ୍ୱାମୀଙ୍କ ସମେତ ଶାଶୁ, ଶଶୁର ଓ ନଣନ୍ଦ ମିଶି ଅର୍ଚ୍ଚନାଙ୍କୁ ଶାରୀରିକ ଓ ମାନସିକ ନିର୍ଯାତନା ଦେଇ ଆସୁଥିଲେ । ନିର୍ଯ୍ୟାତନା ଅସହ୍ୟ ହେବାରୁ ଘଟଣା ନେଇ ମହିଳା ଜଣଙ୍କ ହିଞ୍ଜିଳି ଥାନାରେ ଅଭିଯୋଗ କରିଥିଲେ । ଅଭିଯୋଗ ଭିତ୍ତିରେ ହିଞ୍ଜିଳି ଥାନାରେ କେସ ନଂ- ୧୦୪୫/୨୪ ରେ ଏକ ମାମଲା ରୁଜୁ କରି ପୁଲିସ ଘଟଣାର ତଦନ୍ତ କରୁଥିବା ତଦନ୍ତକାରୀ ଅଧିକାରୀ ତଥା ଥାନା ଏଏସଆଇ ଜ୍ୟୋସô୍ନା ସାହୁ କହିଛନ୍ତି ।
