କେଉଁଠି ମାଡ଼ ହେବ ବାତ୍ୟା ? ଜାଣନ୍ତୁ
cyclone update
Ramachandi Prasad
ଭୁବନେଶ୍ୱର : ଦାନାର ଗତିପଥ ଧିରେଧିରେ ସ୍ପଷ୍ଟ ହେବାର ଲାଗିଛି । ଭିତରକନିକା ଓ ଧାମରା ମଧ୍ୟରେ ବାତ୍ୟା ସ୍ଥଳଭାଗ ଛୁଇଁବ ବୋଲି ପାଣିପାଗ ବିଜ୍ଞାନୀ ଉମାଶଙ୍କର ଦାସ କହିଛନ୍ତି । ତେବେ ଏନେଇ ଭାରତୀୟ ପାଣିପାଗ ବିଭାଗ ପକ୍ଷରୁ କିଛି ସ୍ପଷ୍ଟ କରାଯାଇନାହିଁ । ୨୪ ତାରିଖ ରାତିରେ ଏହା ତାଣ୍ଡବ ରଚିବ ।
ସମୁଦ୍ର ଭିତରେ ଏବେ ବାତ୍ୟା ‘ଦାନ’ ବଳ ଗୋଟାଇବାରେ ଲାଗିଛି । ଗତ ୬ ଘଣ୍ଟା ଧରି ଏହା ଘଣ୍ଟାପ୍ରତି ୧୮ କିମି ବେଗରେ ଗତିକରୁଛି । ବର୍ତ୍ତମାନ ବାତ୍ୟା ଦାନା ପାରାଦୀପର ଦକ୍ଷିଣପୂର୍ବ ଦିଗରେ ୫୬୦ କିମି ଦୂରରେ ରହିଛି । ସେହିପରି ସାଗର ଦ୍ୱୀପର ୬୩୦ କିମି ଦୂରରେ ଏହା ରହିଛି । ଉତ୍ତର ପଶ୍ଚିମ ଦିଗରେ ଏହା ଗତିକରି ଭୟଙ୍କର ରୂପ ନେବ । ଆସନ୍ତାକାଲି ସକାଳେ ଉତ୍ତର ପଶ୍ଚିମ ବଙ୍ଗୋପସାଗରରେ ଏହା ଭୟଙ୍କର ବାତ୍ୟାର ରୂପ ନେବ । ତାହାପରେ ଏହା ଉତ୍ତର ଓଡ଼ିଶା ଓ ପଶ୍ଚିମବଙ୍ଗ ଉପକୂଳରେ, ପୁରୀ ଏବଂ ସାଗରଦ୍ୱୀପ ମଧ୍ୟରେ ଅତିକ୍ରମ କରିବ । ୨୪ ତାରିଖ ରାତିରେ ବାତ୍ୟା ସ୍ଥଳଭାଗ ଛୁଇଁବ । ସେତେବେଳେ ପବନର ବେଗ ୧୦୦ କିମିରୁ ୧୨୦ କିମି ପର୍ଯ୍ୟନ୍ତ ରହିବ ।
