ଡ଼ମ୍ଫର ଧକ୍କାରେ ନାବାଳକ ମୃତ
Rasmita Behera
ନୀଳଗିରି,: ଆଉ କିଛିଦିନ ପରେ ମାଟ୍ରିକ୍ ପରୀକ୍ଷା ଫଳ ପ୍ରକାଶିତ ହେବାକୁ ଯାଉଥିବା ବେଳେ ପରୀକ୍ଷା ଫଳ ପ୍ରକାଶ ପୂର୍ବରୁ ଜଣେ ଛାତ୍ରର ମୃତ୍ୟୁ ହେବା ଘଟଣା ଅଞ୍ଚଳରେ ଶୋକର ଛାୟା ଖେଳିଯାଇଛି । ସୂଚନା ଅନୁସାରେ ବରହମପୁର ଥାନା ଅନ୍ତର୍ଗତ ଅଁଳାପାଳ ଗ୍ରାମର ମୁନା ସାହୁର ପୁଅ କରନ୍ କୁମାର ସାହୁ (୧୫) ମଙ୍ଗଳବାର ଦିନ ପ୍ରାୟ ଦିନ ୧ଟା ସମୟରେ ଏକ ଇଲେକ୍ଟ୍ରି ସ୍କୁଟିରେ ଦୁଇ ଜଣ ସାଙ୍ଗକୁ ନେଇ ମିତ୍ରପୁର ଅଭିମୁଖେ ଯାଉଥିବା ବେଳେ ଗୋପିନାଥପୁର ଲେବୁଲ କ୍ରସିଂ ପରେ ନୀଳଗିରିରୁ ମିତ୍ରପୁର୍ ଯାଉଥିବା ଏକ ଅଜଣା ଡମ୍ଫର ବାଇକଟିକୁ ପଛପଟୁ ଧକ୍କା ଦେବା ଫଳରେ ପଛରେ ବସିଥିବା ଦୁଇ ସାଙ୍ଗ ଡେଇଁ ପଡ଼ିଥିଲେ । ·ଳକ କରନ ଉପରେ ଡମ୍ଫର ମାଡ଼ି ଯିବାରୁ ମୁଣ୍ଡଟି ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା । ଘଟଣା ସ୍ଥଳରେ ହିଁ ତାଙ୍କର ମୃତୁ୍ୟ ଘଟିଥିଲା । ତେବେ ଅନ୍ୟ ଦୁଇଜଣ ସାଙ୍ଗ ଅଳ୍ପକେ ମୃତୁ୍ୟମୁଖରୁ ବର୍ତ୍ତିି ଯାଇଛନ୍ତି । ଘଟଣା ସ୍ଥଳରେ ଉତେଜନା ଲାଗିଥିବା ବେଳେ ସ୍ଥାନୀୟ ବାସିନ୍ଦା କ୍ଷତି ପୁରଣ ଦାବିରେ ରାସ୍ତା ଅବରୋଧ କରିଥିଲେ । ନିଳଗିରି ଥାନା ଅଧିକାରୀ ଗୋପାଳ ଚନ୍ଦ୍ର କର୍ଣ୍ଣ, ତହସିଲଦାର ଦିପ୍ତିମୟୀ ବେହେରା ଘଟଣା ସ୍ଥଳରେ ପହଞ୍ଚି ବୁଝାସୁଝା କଲାପରେ ରାସ୍ତା ଅବରୋଧ ପ୍ରତ୍ୟାହୃତ ହୋଇଥିଲା । ଏନେଇ ପୋଲିସ ଉକ୍ତ ଡମ୍ଫର ଜବତ କରିଥିବା ବେଳେ ଘଟଣାର ଅଧିକ ତଦନ୍ତ ଜାରି ରଖିଛି ।
