ଶିକ୍ଷୟିତ୍ରୀଙ୍କ ପରଲୋକ
Jitendra Sahu
5103
ନବରଙ୍ଗପୁର: ରାଜ୍ୟ ସ୍ତରୀୟ ପୁରସ୍କୃତ ଅବସର ପ୍ରାପ୍ତ ପ୍ରଧାନ ଶିକ୍ଷୟତ୍ରୀ ସଂଯୁକ୍ତା ତ୍ରିପାଠୀଙ୍କ ୬୩ ବର୍ଷ ବୟସରେ ପରଲୋକ ଘଟିଛି । ବୁଧବାର ବିଳମ୍ବିତ ରାତିରେ ନବରଙ୍ଗପୁର ମୁଖ୍ୟ ଡାକ୍ତରଖାନାରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ । ସେ ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ଡ ସଦାଶିବ ତ୍ରିପାଠୀଙ୍କ ବଡ ପୁଅ ଶରତ ତ୍ରିପାଠୀଙ୍କ ଏକ ମାତ୍ର କନ୍ୟା ଥିଲେ । ଶିକ୍ଷକତା ବ୍ୟତୀତ ଆକାଶ ବାଣୀ କଳାକାର, କବୟତ୍ରୀ ଓ ଜଣେ ଖ୍ୟାତି ସମ୍ପନ୍ନ ଜ୍ୟୋତିଷ ରୂପେ ସେ ପ୍ରସିଦ୍ଧ ଲାଭ କରିଥିଲେ । ତାଙ୍କ ମୃତୁ୍ୟ ସମୟରେ ତାଙ୍କ ନିକଟରେ ତାଙ୍କ ଭାଇ ପୂର୍ବତନ କାଉନସିଲର କେଦାର ତ୍ରିପାଠୀ , ପୁତୁରା ଭିକି, ରିକି, ଛାୟା ତ୍ରିପାଠୀଙ୍କ ସମେତ ପରିବାର ବର୍ଗ ବନ୍ଧୁ ପରିଜନମାନେ ଉପସ୍ଥିତ ରହିଥିଲେ । ତାଙ୍କ ଶେଷ କୃତ୍ୟ ଇନ୍ଦ୍ରାବତୀ ଶ୍ମଶାନ ଘାଟରେ ଅନୁଷ୍ଠିତ ହୋଇଥିଲା ।
