ହାତୀ ଆକ୍ରମଣରେ ମହିଳା ମୃତ ବର୍ତ୍ତିଗଲା ବର୍ଷକର ଶିଶୁ
Rasmita Behera
5953
ବିଶୋଇ: ଯୋଡିଆ ଗ୍ରାମପଞ୍ଚାୟତ ଅଧିନ ଗାରଗାଡ଼ି ଗ୍ରାମ ସ୍ଥିତ ଜାହିରା ଡୁଙ୍ଗୁରିରେ ହାତୀ ଆକ୍ରମଣରେ ମହିଳାଙ୍କର ମୃତୁ୍ୟ ଘଟିଛି । ମୃତକ ମହିଳା ଜଣକ ହେଲେ ଲୁହାକାନି ଗ୍ରାମପଞ୍ଚାୟତ ଅଧୀନ କାଶୀପେଣ୍ଟ ଗାଁରେ ବାହା ହୋଇଥିବା ଚାରମାଇ ନାଏକ । ସେ ଦୀର୍ଘ ଦିନ ଧରି ବାପ ଘର ଗାରଗାଡ଼ି ଗାଁରେ ରହି ଆସୁଥିଲେ । ପୂର୍ବାହ୍ନରେ ସେ ପତ୍ର ବାନ୍ଧିବା ପାଇଁ ଶିଆଳି ନଟି ନେବାକୁ ଜଙ୍ଗଲକୁ ଆସିଥିବା ବେଳେ ହାତୀ ହାବୁଡରେ ପଡ଼ିଥିଲେ । ତେବେ ମୃତକ ମହିଳା ସଙ୍ଗେ ତାଙ୍କର ୧ ବର୍ଷିଆ ଶିଶୁ ଥିଲା ବେଳେ ଶିଶୁର କୌଣସି କ୍ଷତି ହୋଇନି । ମହିଳାଙ୍କ ଘଟଣା ସ୍ଥଳରେ ମୃତୁ୍ୟ ଘଟିଛି । ଶିଶୁକୁ ଗ୍ରାମବାସୀ ଘଟଣା ସ୍ଥଳରୁ ଉଦ୍ଧାର କରି ବନବିଭାଗକୁ ଖବର ଦେଇଥିଲେ । ଘଟଣା ସ୍ଥଳରେ ବନ ବିଭାଗ ପହଞ୍ଚି ଘଟଣାର ତଦନ୍ତ କରୁଛି ।
